Саха сирин араас муннугуттан сүүмэрдэммит аҕыс оҕо алтынньы 18 — сэтинньи 7 күннэригэр “Артек” (Крым) лааҕыр үөрэнээччилэргэ аналлаах Бүтүн Арассыыйатааҕы “Готов к труду и обороне” симиэнэтигэр кытталлар.
Арассыыйа ааттахтара мустан быһыйдарын, күүстээхтэрин быһаарсар, быйыл төрдүс сылын ыытыллар бэстибээл сүрүн наҕараадатын иһин дойду 83 эрэгийиэниттэн, уопсайа, 657 оҕо кыттар.
Саха сирин аатын ааттата сылдьар оҕолор бу ый саҥатыгар Нерюнгригэ үөрэтэр-эрчиллэр түмсүүнү ааспыттара. Бары “Готов к труду и обороне” Бүтүн Арассыыйатааҕы физкультурнай-спортивнай комплекс кыһыл көмүс бэлиэтин туппуттара. Онон өрөспүүбүлүкэ сүүмэрдэммит хамаандатыгар тыыппалаах түмүгү көрдөрөөйөллөр диэн эрэнэ кэтэһэбит, оҕолорго ситиһиилэри баҕарабыт.
Биһиги корр., “Саха сирэ” хаһыат, edersaas.ru
+1
+1
+1
+1
+1
+1
+1