Дьокуускай куорат Уопсастыбаннай палаатата киин куорат култуураҕа управлениетын кытта кыттыһан быйылгы Туймаада ыһыаҕар «Утум-2017» норуот айымньытын бэстибээлин иитинэн национальнай таҥастаах саамай элбэх киһини мунньан Гиннесс рекордун олохтуур тэрээһини тэрийиэхтэрэ.
Ааспыт сылларга куорат ыһыаҕа саамай улахан оһуохайы итиэннэ кымыһы иһиигэ саамай элбэх киһини мунньан Гиннесс рекордугар киирэн турар.
Онно бэлэмнэнии быһыытынан бүгүн, ыам ыйын 21 күнүгэр, Дьокуускай киин болуоссатыгар, Ырыа күнүн бэлиэтиир бырааһынньыкка, сахалыы таҥаһы билиһиннэрии буолла.
Роман Попов, «Саха сирэ» хаһыат
+1
+1
+1
+1
+1
+1
+1