Саха сирин соҕуруу улуустарыгар гаас киириэҕэ

Бөлөххө киир:

«Сибиир күүһэ» баараҕай гаас турбата өрөспүүбүлүкэ соҕуруу улуустарынан ааһар. Онтон күөх оттук турбатын тыа сиригэр тардарга кэлэр 5-6 сылга күргүөмнээх үлэ барыахтаах. Ол туһунан

Максим Терещенко, СӨ Бырамыысыланнаһын уонна геологиятын миниистирэ иһитиннэрдэ:

— «Газпром» хампаанньа дойду эрэгийиэннэрин гааһынан хааччыйар кэнсиэпсийэтин чэрчитинэн, өрөспүүбүлүкэҕэ 2016-2025 сылларга гаас турбатын тардыы бырагыраамата оҥоһуллубута.

Өлүөхүмэ, Ленскэй, Алдан, Нерюнгри оройуоннарыгар «Сибиир күүһэ» магистральнай гаас турбата ааһар сиринэн нэһилиэктэр күөх оттукка холбонуохтаахтар.

«Газпром» үрдүк күүрүүлээх гаас турбатын бөһүөлэктэр икки ардыларыгар тутар, оттон бөһүөлэк иһинээҕини өрөспүүбүлүкэ хааччыйыахтаах.

Өлүөхүмэҕэ гаас Бүрүк, 1-2 Нөөрүктээйи, Бэрдиҥкэ, Холго, Киин Абаҕа, Кээччи, Нефтебаза, Заречнай, Селиваново, Улахан-Муҥку, Троицкай, Үҥкүр, Солянка нэһилиэктэригэр уонна Өлүөхүмэ куоратыгар киириэҕэ.

Ленскэйгэ — Батамай, Бэчинчэ, Мурья, Алдаҥҥа – Алдан, Томмот, Үөһээ, Аллараа Кураанах, Хатыстыыр, Якокит, Лебединай, Ленинскай, Нерюнгрига —  Иенгра, Чульман хабыллыахтара.

Бу этиллибит нэһилиэктэргэ гаас ситимин тардыы 2025 сылга түмүктэниэхтээх.

Марианна Тыртыкова, «Саха сирэ», edersaas.ru

+1
0
+1
0
+1
0
+1
0
+1
0
+1
0
+1
0