“Саха сирин тимир суоллара” хампаанньа түһүлгэтэ норуоттар икки ардыларынааҕы таһымнанна

Сарсыҥҥыттан, кулун тутар 28-тан, Дьокуускайга, “Триумф” Спорт киинигэр “Саха сирин тимир суоллара” АХ бирииһигэр орто уонна улахан саастаах уолаттар ортолоругар көҥүл тустууга норуоттар икки ардыларынааҕы турнир саҕаланар. Күрэхтэһии бу күннэргэ 65 сааһын бэлиэтиир олимпийскай чөмпүйүөн, ССРС спордун үтүөлээх маастара Павел Пинигин чиэһигэр ананан ыытыллыаҕа.

“Саха сирин тимир суоллара” аахсыйалаах хампаанньа, Спорт министиэристибэтэ, оҕо спордугар, солбугу бэлэмнээһиҥҥэ управление, Саха сирин спортивнай тустууга федерацията тэрийэн ыытар түһүлгэлэригэр Саха Өрөспүүбүлүкэтиттэн, Бурятияттан, Амур уобалаһыттан, Забайкальеттан, Хабаровскай кыраайтан, Еврей уокуругуттан, Монголияттан, Кореяттан, Казахстантан 500-тэн тахса эдэр бөҕөс кыттыаҕа.

Күрэхтэһии UWW саҥа быраабылаларынан ыыттыллыаҕа.

Күрэхтэһии бырагыраамата

Кулун тутар 28 күнэ – мандат хамыыһыйата, ыйааһыннаныы, судьуйалар мунньахтара

Кулун тутар 29 күнэ – 2004-2005 сс. төрүөх уолаттар ортолоругар барыллаан хапсыһыылар

Кулун тутар 30 күнэ — 2004-2005 сс. төрүөх уолаттар барыллаан, финал аҥарынааҕы хапсыһыылара

Кулун тутар 31 күнэ – 2001-2002 сс. төрүөх уолаттар ортолоругар барыллаан хапсыһыылар, 2004-2005 сс. төрүөх уолаттар түмүк хапсыһыылара.

14-00 чаастан күрэхтэһиини үөрүүлээхтик арыйыы.

Муус устар 1 күнэ — 2001-2002 сс. төрүөх уолаттар түмүк хапсыһыылара, П.П. Пинигини 65 сааһынан чиэстээһин.