close
Саха тустууктара Японияҕа көттүлэр
· - Дьулуур - Олох-дьаһах

Саха тустууктара Японияҕа көттүлэр

Бүгүн, сэтинньи 14 күнүгэр, көҥүл тустууга Саха Өрөспүүбүлүкэтин  сүүмэрдэммит хамаандата Токио куоракка Япония хамаандатын кытта дьарыктана көттө.

edersaas.ru

Уопсайа 13 бөҕөс уонна үс тренер сэтинньи 26 күнүгэр диэри олимпийскай базаҕа күүстээх дьарыгы ааһыахтара. Саха Өрөспүүбүлүкэтин хамаандатыгар Виктор Рассадин, бырааттыы Копыловтар, Ньургун Адександров, Эдуард Григорьев, Николай Охлопков, Дмитрий Аксенов, Георгий Кычкин, Виталий Эспек, Герман Устинов, Тимур Николаев, Иван Ефремов уонна Константин Власов бааллар. Кинилэри кытта Саха Өрөспүүбүлүкэтин сүрүн тренерэ Владимир Кириллин, тренердэр Иван Дмитриев уонна Яков Филиппов көттүлэр. Дэлэгээссийэ салайааччыта ШВСМ дириэктэрэ — Александр Игнатьев.Маны таһынан, Саха Өрөспүүбүлүкэтин бэрэстэбиитэллэрэ Япония хамаандатын кытта сөбүлэҥ түһэрсэр соруктаахтар. Биһиги дойдубутугар сыл аайы ыытыллар Дмитрий Коркин, Роман Дмитриев кэриэстэригэр уонна Павел Пинигин бирииһигэр  турнирдарга Япония күүстээх бөҕөстөрө кэлэн кыттыыны ылалларын кэпсэтиэхтэрэ.

Николай Попов,»Саха сирэ» хаһыат, edersaas.ru

 

2
0

Сайт матырыйаалларын ааптар көҥүлэ суох ылар бобуллар.


Notice: Undefined index: comment_notes_before in /var/www/edersaas/wp-includes/comment-template.php on line 2334

3 × 4 =

INSTAGRAM ЛИЭНТЭТЭ

Instagram батыһан бар