Саха тылын уонна култууратын бакылтыата тэриллибитэ 25 сыла

Ааптар: 
Бөлөххө киир:

Быйыл М.К.Аммосов аатынан Хотугулуу-Илиҥҥи федеральнай университет Арассыыйа Федерациятын Хотугулуу-Илиҥҥи норуоттарын тылларын уонна култуураларын института Саха тылын уонна култууратын бакылтыата тэриллибитэ 25 сылын туолла.

edersaas.ru

СГУ бастакы проректора А.Н.Алексеев иһитиннэриитин истэн, дьүүллэһэн баран уонна саха билэлиэгийэтин уонна төрүт култуура бакылтыатын тэрийэр наадатын дакаастаан, 1992 сыл кулун тутар 25 күнүгэр М.К.Аммосов аатынан Саха Судаарыстыбаннай университетын Учуонай Сэбиэтэ “Саха билэлиэгийэтин уонна төрүт култуура бакылтыатын тэрийэр туһунан” уурааҕы таһаарбыта.
Бэлиэ сылынан сибээстээн, сэтинньи 14 күнүгэр “Сэргэлээх уоттара” култуура киинигэр, “Сайдам санаанан салайтаран” диэн кэнсиэргэ ыҥыраллар. Тэрээһиҥҥэ Клавдия, Герман Хатылаевтар, Сахаайа, Александр Бурнашовтар, Анатолий Бурнашев, Альбина Дегтярева, “Айархаан” бөлөх, Александр Дьячковскай-Саарын, Валентина Романова-Чыскыырай, Мирослав Егоров, Николай Андросов, Егор Степанов, Амгаяна, Прасковья Бояркина, о.д.а. эстрада биллэр-көстөр ырыаһыттара, үҥкүү ансаамбыллара кыттыахтара. Кэнсиэри Николай Гоголев уонна Талбан иилээн-саҕалаан ыытыахтара.

Бакылтыакка араас сылларга үөрэммит устудьуоннары, Дьокуускай куорат олохтоохторун, ыалдьыттарын кэлэн көрөргүтүгэр ыҥыраллар.
Билиэти “Сэргэлээх уоттара” култуура киинин каассатыттан уонна биирдиилээн тарҕатааччылартан атыылаһыаххытын сөп.
Саҕаланар: 18 ч 00 мүн
Сыаната: 300-500 солк.
Билсэр төл.: 8-914-280-48-72, 49-67-47, 49-67-45.

Людмила ПОПОВА, “Саха сирэ” хаһыат, edersaas.ru

+1
0
+1
0
+1
0
+1
0
+1
0
+1
0
+1
0