close
Саха уола “Золото тюрков” форум кыайыылааҕа буолла....
Олох-дьаһах - Эдэр саас - ЭС - маны аах

Саха уола “Золото тюрков” форум кыайыылааҕа буолла.

Татарстан Өрөспүүбүлүкэтигэр “Золото тюрков” диэн Бүтүн Арассыыйатааҕы эдэр ыччат форума үлэтин түмүктээтэ. Форумҥа Арассыыйа 15 регионуттан 200 тахса дэлэгээт сырытта.

Саха Өрөспүүбүлүкэтиттэн “Синергия Севера” форум чэрчитинэн ХИФУ базатыгар буолбут сүүмэрдиир түһүмэх кыайыылаахтара кыттыыны ыллылар. Олор истэригэр Ыччат дьыалатын уонна дьиэ-кэргэн бэлиитикэтин министиэристибэтин, эдэр ыччат уопсастыбаннай түмсүүлэрин, наука, үөрэх тэрилтэлэрин уонна СМИ үлэһиттэрэ бааллара.

Форум киэҥ уонна туһалаах бырагыраамалаах ааста. Кыттааччылар биллэр-көстөр, интэриэһинэй дьону кытары көрүстүлэр: Омуктар дьыалаларыгар Федеральнай агентство салайааччыта Игорь Бариновы, Судаарыстыбыннай Дуума дьокутаата Николай Валуевы, “Фабрика звёзд”,  “СТС зажигает звезду” бырайыактар продюсердара уонна режиссёрдара Лина Арифулинаны, космонавтары, спортсменнары. Дэлэгээттэри ораторскай искусствоҕа уонна бырайыак оҥорорго үөрэттилэр.

Тэрээһин сүрүн сыала бырайыактары көмүскээһин этэ. Биһиги өрөспүүбүлүкэбит дэлэгээссийэтэ икки бырайыагы көмүскээтэ: “Фольклор музыката – норуоттар доҕордоһууларыгар бигэ тирэх” (бырайыак ааптара Василий Кузьмин) уонна Этноспортивнай оонньуу «Тыгын үйэтэ» (бырайыак ааптара Виктория Николаева). Форум түмүгүнэн биэс кыайыылах бырайыак иһигэр Василий Кузьмин бырайыага “Фольклор музыката – норуоттар доҕордоһууларыгар бигэ тирэх” киирдэ.

Алтынньы 9 күнүгэр форум сабыллыытыгар, Татарстан Өрөспүүбүлүкэтин бэрэсидьиэнэ Рустам Минниханов бэлиэтээн эттэ: “ Форум түүр норуотун эдэр ыччатыгар туһалаахтык ааста, кыттааччылар элбэҕи көрдүлэр-иһиттилэр, саҥа билиилэннилэр, бэйэ-бэйэлэрин кытта санаа атастастылар. Эһигиттэн хас биирдиигит бэйэтин омуга, төрөөбүт дойдута сайдарыгар элбэҕи оҥоруон сөп. Билиҥҥи сайдыылаах үйэ кэмигэр бу олус суолталаах».

Афанасий НОЕВ, edersaas.ru

1
0

Сайт матырыйаалларын ааптар көҥүлэ суох ылар бобуллар.
Facebook
Facebook
Instagram
GOOGLE
http://edersaas.ru/saha-uola-zoloto-tyurkov-forum-kyajyylaa-a-buolla/

INSTAGRAM ЛИЭНТЭТЭ

Instagram батыһан бар