close
“Сахаада-спорт” 2017 сыл чулуу спортсменнарын ааттаталаата...
· - Дьулуур - Олох-дьаһах

“Сахаада-спорт” 2017 сыл чулуу спортсменнарын ааттаталаата

 

Бэҕэһээ “Сахаада-спорт” ассоциация бэрэсидьиэнэ, СӨ Конституционнай суутун бэрэссэдээтэлэ Александр Ким-Кимэн салалтатынан экспертэр сэбиэттэрин мунньаҕар спорт национальнай көрүҥнэригэр ааһан эрэр сыл чулууларын быһаардылар.  Кистэлэҥ куоластааһынынан алта бастыҥ спортсмены ааттаталаатылар.

edersaas.ru


Бастыҥнар кэккэлэригэр киирдилэр:

Сахалыы атах оонньуутугар СӨ спордун маастара, Дыгын оонньууларын кыайыылааҕа, ыстаҥаҕа быйылгы Манчаары оонньууларын үрүҥ көмүс призера Егор Филиппов.

Хотугу многоборьеҕа СӨ, РФ спордун маастара, СӨ чөмпүйэнээтин кыайыылааҕа, Арассыыйа Кубогын муҥутуур чөмпүйүөнэ Алексей Созонов.

Мас тардыһыытыгар СӨ спордун маастара, пауэрлифтиҥҥа РФ спордун маастара, В. Шараборин бирииһигэр өрөспүүбүлүкэтээҕи турнир кыайыылааҕа, Манчаары оонньууларын чөмпүйүөнэ, Арассыыйа чөмпүйүөнэ, аан дойду Кубогын икки түһүмэҕин кыайыылааҕа Ирина Севрюк.

Хапсаҕайга СӨ спордун маастара, өрөспүүбүлүкэ чөмпүйэнээтин муҥутуур кыайыылааҕа уонна чөмпүйүөнэ, Манчаары оонньууларын муҥутуур кыайыылааҕа, “Хаҥалас хапсаҕайа”. Г.С. Попов кэриэһигэр өрөспүүбүлүкэтээҕи турнирдар муҥутуур кыайыылаахтара Увар Тимофеев.

Киирэҕэ РФ спордун маастара, өрөспүүбүлүкэ, Манчаары оонньууларын муҥутуур кыайыылааҕа, аан дойду уонна Европа чөмпүйүөнэ Михаил Саввинов.

Саахалыы атах оонньуутугар, национальнай многоборьеҕа Манчаары оонньууларын чөмпүйүөнэ Диана Адасько.

Бастыҥ судьуйанан “Өймөкөөн улууһа” МТ спорка управлениетын салайааччы Андрей Сидоров, “Бастыҥ тэрийээччинэн” “Үөһээ Бүлүү улууһа” МТ баһылыга Владимир Поскачин, “Сыл меценатынан” “Колмар” чох хостуур хампаанньа генеральнай дириэктэрэ Сергей Цивилев, “Бастыҥ суруналыыһынан” СИА кэрэспэндьиэнэ Дьулустан Сергеев, “Бастыҥ федерациянан” Уус Алдан мас тардыһыыга федерацията (бэрэссэдээтэл Геннадий Васильев ааттаннылар.

“Спорт национальнай көрүҥнэрин сайыннарыыга кылаатын иһин” номинация мас тардыһыыга норуоттар икки ардыларынааҕы федерация бэрэсидьиэнигэр Александр Акимовка туттарыллыаҕа.

“Сыл спонсорынан” “Бүлүү” УПРДОР ФКУ салайааччыта Николай Андреев билиниллиннэ.

“Оҕо спордун бастыҥ тэрийээччи” номинациянан Е.Ф. Габышев аатынан оҕо споривнай оскуолата” ДО МБУ тириэньэригэр Николай Николаевка бэлиэтэннэ.

Роман Попов, “Саха сирэ” хаһыат, edersaas.ru

 

0
0

Сайт матырыйаалларын ааптар көҥүлэ суох ылар бобуллар.


Notice: Undefined index: comment_notes_before in /var/www/edersaas/wp-includes/comment-template.php on line 2334

восемь + 12 =

INSTAGRAM ЛИЭНТЭТЭ

Instagram батыһан бар