close
Cаҥа электростанция Чкалов олохтоохторун уотунан хааччыйыаҕа...
· - Олох-дьаһах

Cаҥа электростанция Чкалов олохтоохторун уотунан хааччыйыаҕа

«Сахаэнерго» тэрилтэ («Якутскэнерго ПАУо киирсэр) Хаҥалас улууһун Чкалов бөһүөлэгэр саҥа дизельнэй электростанцияны тутан үлэҕэ киллэрдэ.

edersaas.ru

Бу электростанция уопсайа 380 кВт кыамталаах түөрт дизельнэй генератордаах, баһаартан сэрэтэр сигнализациялаах. Энергетиктар тэриллэри ыраахтан салайар, хонтуруоллуур кыахтаахтар. Урукку ДЭС уу ылар сиригэр турбут буолан, өрүс барар кэмигэр араараллара уонна Чкалов олохтоохторун Тиит Арыы бөһүөлэгиттэн кэлэр уот ситиминэн хааччыйаллара. Онтон дьэ өрүс эстибитин кэнниттэн дизельнэй электростанцияны төттөрү холбууллара. Билигин оннук кыһалҕа суох буолуоҕа. Саҥа дизельнэй электростанцияны арыы саамаҋ үрдүк сиригэр туттулар.

«Билигин уот күнү быһа баар. Урут түүн 12 ч диэри бэриллэр этэ, — диэн ДЭС машиниһа Константин Белых кэпсиир. – Үлэбитин мониторунан кэтээн көрөн салайа олоробут, барыта автоматизированнай. Онон олус үчүгэй».

«Биһиги «Сахаэнерго» диэн тэрилтэбит кылгас кэм устата сабыс-саҥа дизельнэй электростанцияны тутан таһаарда. Бу саҥа, аныгы станция дьон туһугар өр сылларга эрэллээхтик үлэлиэҕэ. Чкалов олохтоохторун алаһа дьиэлэрэ өрүү сырдык, сылаас буоллун!» —  диэн «Якутскэнерго» салайааччыта  Александр Слоик эбийиэк  арыллыытыгар эппитэ. «Сахаэнерго» толорооччу дириэктэрэ Алексей Ивлев бу электростанция баар буолан бөһүөлэккэ салгыы сайдыыны түстүө диэн эрэлин биллэрдэ.

ДЭС арыллыытыгар ким баҕалаах кэлэн объект хайдах үлэлиирин көрбүтэ.

ЫСПЫРААПКА

Чкалов диэн Тиит Арыы нэһилиэгин олохтоох пууна, арыыга турар, онно 297 киһи олохсуйан олорор. Дэриэбинэҕэ оскуола, доруобуйа харыстабылын, атыы-эргиэн тутуулара, спорткомплекс үлэлииллэр. 

 

«Сахаэнерго» пресс-сулууспата

#бүгүн: 1
0
0

Сайт матырыйаалларын ааптар көҥүлэ суох ылар бобуллар.


Notice: Undefined index: comment_notes_before in /var/www/edersaas/wp-includes/comment-template.php on line 2334

четырнадцать + 19 =