Дмитрий Шадрин дириэктэрдээх «Сахафильм» хампаанньа «Чеченфильмы» кытта бииргэ үлэлиир туһунан дуогабарга илии баттаата. Бу туһунан Дмитрий Шадрин доҕоро, «ДетСАТ» айар бөлөх резиденэ Степан Порядин социальнай ситимҥэ суруйда. www.edersaas.ru
Дмитрий Шадрин Чечня Грознайыгар тиийэн, «Чеченфильм» хампаанньа бэрэсидьиэнин Беслан Терекбаевы кытта көрүстэ. «Бэҕэһээ киинэ сайдарын туһугар бырааттыы өрөспүүбүлүкэбитин кытта бииргэ үлэлээһин, саҥа бырайыагы олохтооһун туһунан дуогабар баттастыбыт. Онон биһиэхэ суолталаах күн ааста», — диэн Степан Порядин доҕотторугар кэпсээтэ.
Дуогабарга саҥа бырайыакка тэҥҥэ үлэлээһин, сыллата биирдии киинэни холбоон устуу уонна Уһук Илин, Хотугу Кавказ федеральнай уокуруктарга уопсай киинэ быракаатын оҥоруу диэн илии баттастылар.
Ситиһиилээх саҥа бырайыактар баар буолуохтара диэн эрэнэбит.
www.edersaas.ru
Хаартыска уонна видео социальнай ситимтэн.