Сахалар Ыччат бэстибээлин сүүрүүтүгэр кытыннылар

Ааптар: 
Бөлөххө киир:

Алтынньы 16 күнүгэр Сочи куоракка ыытылла турар XIX аан дойдутааҕы ыччат бэстибээлигэр уопсай «Бэстибээл сүүрүүтүгэр» суруттаран кыттыыны ыллылар. Ол курдук, элбэх киһи 2017 миэтэрэҕэ сүүрдүлэр.

Алексей Болотин, Мирнэй куорат ыччатын кэмитиэтин салайааччыта:

— «Бэстибээл сүүрүүтэ» олус үчүгэй тэрээһин. Сүүрүү сүрүн соруга — араас дойду ыччатын түмээһин. Ол курдук, кыттааччылар улахан аҥаардара 2017 миэтэрэҕэ сүүрдэ, 600- чэ кэриҥэ киһи  4000 миэтэрэҕэ Формула -1 трассатынан сүүрдүлэр. Маннык тэрээһиннэр чөл олоҕу уонна эйэни көҕүлүүллэр. Сүүрүү саҕаланыытын Арассыыйа Олимпийскай кэмитиэтин бэрэссэдээтэлэ Александр Жуков уонна «Матч Тв» ханаал салайааччыта Тина Канделаки биллэрбиттэрэ. Сүүрүү түмүгүнэн финишкэ тиийбит дьоҥҥо барыларыгар мэтээл туттардылар.

Николай Попов, «Саха сирэ» хаһыат, edersaas.ru

+1
0
+1
0
+1
0
+1
0
+1
0
+1
0
+1
0