САХАЛЫЫ ГОРОСКОП (ЫАМ ЫЙЫН 21—27 КҮННЭРЭ)

Ааптар: 
Бөлөххө киир:

ХОЙ. Бу нэдиэҕэ үлэҕинэн-хамнаскынан сибээһи олохтуурга, элбэх киһини кытары билсэргэ кыһалын. Тэрээһиҥҥэ хойутаама, көтүтүмэ. Нэдиэлэ ортотугар сылайбыккын билиэҥ. Онтон сылтахтанан санааҥ түһүө, ньиэрбэнэйдээн ылыаҥ. Сылааҕын таһаарар, уоскуйар туһуттан физкультуранан, спордунан дьарыктан. Баанньыкка, саунаҕа, бассейнҥа сырыт. Нэдиэлэ бүтүүтэ эбии харчылаһыаххын сөп. Түүлгэр болҕомтоҕун уур.

ОҔУС. Биир санаалаахтаргын кытары тутус. Көмөлөөтөххүтүнэ кыайыылаах-хотуулаах буолуоххут. Кыһалҕалары эмиэ көмөлөөн эрэ туоратыаххыт. Дьону-сэргэни кытта алтыһаргар ким дьиҥ доҕор-атас буоларын, ким албынын-көлдьүнүн быһаарыаҥ. Дьону үчүгэйдик билбитиҥ кэлин үлэҕэр наадалаах буолуоҕа. Тус олоххор улахан уларыйыы күүтэр. Онно туох буоларын хонтуруоллууруҥ ордук. Онто суох, бэйэҥ олоххунан олорбот курдук буолан барыаҥ.

ИГИРЭЛЭР. Санааҕын этэртэн толлума. Ол гынан баран, тылгын-өскүн көрөн саҥар. Туора дьон иилэ хабан туһаныахтарын сөп. Салалтаҥ, ытык дьон иннигэр сымыйалаатаххына, ол кэлин үлэҕэр ыарахаттары үөскэтиэ. Өрөбүллэргэ ыалдьыттыы барыаххын эбэтэр ыалдьыттары көрсүөххүн сөп. Айылҕаҕа сырыт, киинэтэ көр. Бу күннэртэн физкультуралаабытыҥ, спордунан дьарыктаммытыҥ доруобуйаҕар ордук туһалаах, көмөлөөх буолуоҕа. Ыраахтан үчүгэй сонуну истиэҥ.

АРААК.  Утуйа түһүөххүн, онно-манна аралдьыйыаххын эрэ баҕараҕын эрээри, ордук бу күннэргэ үлэҕэр хойутаабатыҥ ордук. Үлэҕин-хамнаскын соспокко кэмигэр оҥорон, бүтэрэн-оһорон истэххинэ, кэлин ситиһиилэниэҥ. Бириэмийэ тутуоххун сөп. Нэдиэлэ бүтүүтэ эбии харчылаһаргар этии киириэ. Ол гынан баран, өрөбүлгүн тус бэйэҕэр, дьиэ кэргэҥҥэр анаа. Дьиэҕэр наадалаах малы-салы атыылас, дьиэҥ ис бараанын уларытар туһунан толкуйдан. Оччоҕо сибиэһэй, сонун сүүрээн киириэ.

ХАХАЙ. Ыарахантан толлума. Саҥа саҕалаабытыҥ, ылсыбытыҥ барыта ситиһиилээх буолуоҕар эрэн. Өскөтүн ылсыбытыҥ табыллан биэрбэтэҕинэ, санааҕын түһэримэ, быраҕан кэбиһимэ. Тиһэҕэр диэри тиэрдэргэ, толорорго кыһалын. Онно туораттан көмөлөһүөхтэрэ диэн эрэҥкэдийимэ, бэйэҥ эрэ күүскэр эрэн. Оччоҕо табыллыа. Үп-харчы боппуруоһа үчүгэй. Дьиэ кэргэҥҥэр барыта этэҥҥэ. Өрөбүллэргэр аҕам саастаах аймахтаргар болҕомтоҕун уур.

КЫЫС. Үлэҕин-хамнаскын, аймах-билэ дьоҥҥун кытары сибээскин, сыһыаҥҥын, тулаҕар буолары түмэн, ырытан көр.  Онно эйиэхэ ким ордук чугаһын, наадатын быһаарыаҥ. Кытаанах, ирдэбиллээх буола сатаама. Дьон этэрин тулуйан истэргэ кыһалын, кыраттан өһүргэнэн турума. Оннук гымматаххына, кэлин кэмсиниэҥ. Дьону кытта кэпсэтэн-ипсэтэн, билсэн-көрсөн иһииҥ туһалаах буолуоҕа, дьыалабыай сибээс олохтонуо. Өрөбүллэргин дьиэҕэр-уоккар чугас дьоҥҥун кытары атаар.

ЫЙААҺЫН. Бу күннэргэ соһуччу үөрүү күүтэр. Ол эрээри, онтон сылтахтанан наһаа аралдьыйыма. Эбээһинэскин, үлэҕин кэмигэр толорбутуҥ ордук буолуоҕа. Ситэрбэккэ хааллардаххына, тыл ыһыктааччылар, үҥсэргээччилэр көстүөхтэрэ. Үөрүүгүттэн ситиһиигин, былааҥҥын дьоҥҥо ыһа-тоҕо кэпсээмэ. Ордугурҕааччылар санааҕын түһэрэ сатыахтара, туохха эрэ туорайдаһыахтара. Онтон өрөбүллэргэр эрэллээх чугас доҕотторгун кытта көрүс. Искэр тута сылдьыбыт санааҕын кинилэргэ кэпсиэххин сөп. Кинилэр эн ситиһиигиттэн кырдьык үөрэллэр уонна наада буоллаҕына көмөлөһөргө да бэлэмнэр.

СКОРПИОН. Дьиэҕитигэр үөскээбит кыһалҕалары туоратарга чугас дьонуҥ, эрэллээх доҕотторуҥ көмөлөһүөхтэрэ, өйүөхтэрэ.  Бу күннэргэ эбии харчы тутуоҥ. Тус бэйэҥ, чугас дьонуҥ доруобуйаларыгар болҕомтоҕун уур. Өрөбүллэргин дьиэҕэр атаар. Ыраах айаннаама, айылҕаҕа тахсыма. Түүлгэр болҕомтоҕун уур. Саҥа саҕалаабыккын, ылсыбыккын туора дьоҥҥо кэпсээмэ.

ОХЧУТ. Үлэҕэр харгыстар баалларын үрдүнэн, элбэҕи ситиһиэҥ. Салалтаҕын кытары сыһыаныҥ тупсуо. Дьиэҕэр-уоккар сыһыаннаах боппуруостары кэмигэр быһааран иһиэҥ. Дьарҕарбыт ыарыыҥ көбүөн сөп. Онон доруобуйаҕар болҕомтоҕун уурарыҥ наада. Ыраахтан сонун истиэҥ, көрсүбэтэҕиҥ ырааппыт киһини көрсүөҥ. Саҥа билсиһии үлэҕэр сонун сүүрээни киллэрэргэр көмөлөөх буолуоҕа.

ЧУБУКУ. Үлэҕэр-хамнаскар толкуйдаахтык сыһыаннас, сыраҕын уур. Урукку былааҥҥын сөргүт. Сытыарбыт үлэҕэр ылыс. Кэлэктиибиҥ, билсэр дьонуҥ сыаналыахтара. Салалтаҥ, бииргэ үлэлиир дьонуҥ эйиэхэ илиилэрин уунуохтара, эн тылгын-өскүн ылыныахтара. Ол эбии харчылаһаргар кыах биэриэ. Саҥа билсиһиилэр күүтэллэр. Ыраахтан ыалдьыт кэлиэ.

КҮРҮЛГЭН. Чуҥкуйарга бириэмэ суох. Соһуччу түбүктэр көстөннөр, туох эрэ наадалааххыттан аралдьытыахтара. Онуоха истиҥник сэһэргэһиэн баҕалаахтарга болҕомтоҕун уур. Бу сэһэргэһииҥ кэлин үлэҕэр-хамнаскар суолталаах, туһалаах буолуоҕа. Бу күннэргэ элбэх харчыны матайдыаҥ. Өрөбүллэргин дьиэҕэр чугас дьоҥҥун кытары атаар. Доруобуйаҕын көрүн.

БАЛЫКТАР. Ситиһиилээх күннэр-дьыллар үүммүттэр. Үлэҕэр, хамнаскар этэҥҥэ. Үчүгэй сонуну истэҥҥин онтон санааҥ улаханнык көтөҕүллүө. Онуоха бу күннэргэ элбэх дьоннуун алтыһыаҥ, кэпсэтии-ипсэтии, саҥа билсиһиилэр күүтэллэр. Таптыыр киһиҥ аттыгар сылдьыаҕа, үөрүүгүн үксэтиэҕэ. Чугас дьоҥҥор болҕомтоҕун уур.

+1
0
+1
0
+1
0
+1
0
+1
0
+1
0
+1
0