close
САХАЛЫЫ ГОРОСКОП (Алтынньы 22-28 күннэрэ)
Олох-дьаһах

САХАЛЫЫ ГОРОСКОП (Алтынньы 22-28 күннэрэ)

Хой. Сэрэйэн көрөр дьоҕургутугар итэҕэйиҥ — мөккүөрдэри, саарбахтааһыннары быһаарарга көмөлөһүөҕэ. Дьыалаҕа үөрүүнэн эрэ ылсыҥ, барыта сатаныаҕа! Бу нэдиэлэ улахан түһүүтэ-тахсыыта суох, биир тэҥник ааһыаҕа диэн сулустар кэпсииллэр эбит.

 

 

Оҕус. Бу нэдиэлэҕэ оҕус бэлиэлээхтэр төрөөбүттэр чугас дьоҥҥут болҕомтолоохтук сыһыаннастахтарына соһуйумаарыҥ. Ол эрээри, эһиги кинилэргэ эмиэ оннук сыһыаннаһаргытын умнумаҥ. Саҥа сиргэ сылдьарга, саҥа дьону кытта билсэргэ, саҕалааһыннарга бэртээхэй нэдиэлэ үүммүт.

 

Игирэлэр. Дьыалаҕытыгар, үлэҕитигэр, үөрэххитигэр табыллыылар, өрө дабайыылар күүтэллэр. Туохтан даҕаны толлумаҥ, барытыгар үөрэ-көтө ылсан иһин. Чугас дьоҥҥутун кытта тыллаһа, мөккүһэ сатаамаҥ. Үп-харчы балаһыанньата – үчүгэй.

 

 

Араак. Салалтаҕытын кытта сатаспат, бииргэ үлэлиир дьоҥҥутун кытта тапсыбат буолуоххутун сөп. Чугас дьоҥҥутун кытта аһаҕастык кэпсэтиҥ. Иккис аҥаардарын көрсө илик дьон өрөйүҥ-чөрөйүҥ, сулустар табыллыыны кэпсииллэр.

 

 

Хахай. Дьон этэригэр, быстах санааларга итэҕэйимэҥ, бэйэҕит уопуккутугар эрэ эрэниҥ. Дьиэни-уоту хомунарга, өрөмүөннэнэргэ, миэбэл атыылаһарга тоҕоостоох нэдиэлэ үүммүт. Үлэ, үөрэх, дьиэ, таптал, харчы – барыта этэҥҥэ!

 

 

Кыыс. Харчыны иэс биэримэҥ, бу нэдиэлэҕэ харчыны бэйэҕит эрэ тускутугар барааҥ. Нэдиэлэ бастакы аҥаарыгар уруккуттан “аала” сылдьыбыт кыһалҕаҕытын быһаарыаххыт. Доруобуйаҕытын көрүнүҥ, халыҥнык таҥна сылдьыҥ!

 

 

Ыйааһын. Бу нэдиэлэҕэ былааннабыккыт табыллымыан сөп, ол эрээри онтон санааҕытын түһэримэҥ, бэйэҕитин буруйдаамаҥ. Маны ситиһэргэ өссө да “шанс” баар буолуоҕа. Сибиэһэй салгыҥҥа сылдьан сынньаныҥ, инникигит туһунан ыраланыҥ.

 

 

Скорпион. Скорпионнары үгүс үөрүүлээх уонна соһуччу көрсүһүүлэр күүтэллэр эбит. Доҕотторгутун, аймахтаргытын, бииргэ үлэлиир дьоҥҥутун кытта кэпсэтии, көрсүү — барыта эһиги тускутугар табыллыаҕа. Айан суола кэтэһэр диэн сулустар кэпсииллэр.

 

 

 

Охчут. Ыксаллаах быһаарыныылары ылынарга тиэтэйимэҥ. Олус көхтөөх нэдиэлэ үүммүт эбит, былааннаабыккытын барытын ситиһэргэ кыһаллыҥ. Сыраҕыт, сылбаҕыт ситиһиилэри аҕалыаҕа.

 

 

Чубуку. Күннээҕи олохтон-дьаһахтан аралдьыйа түһүҥ, аралдьыйыҥ. Саҥа дьону кытта билсиҥ, айаннааҥ. Ол эрээри, наһаа “босхо” барымаҥ, үлэҕитигэр, үөрэххитигэр сыһыаннаах былааннары толкуйдуу, торумнуу сылдьыҥ.

 

Күрүлгэн. Күрүлгэн бэлиэлээх дьону табылыы уонна ситиһии күүтэр эбит. Барытын эрдэттэн былааннааҥ, оччоҕуна толкуйдаабыккыт барыта табыллыаҕа, кыһалҕаларгыт быһаарыллыахтара. Нэдиэлэ бастакы аҥаарыгар үтүө сонуну истиэххит, үп-харчы эбиллиэҕэ.

 

 

Балыктар. Бу нэдиэлэҕэ иэйиигит киириэҕэ, ону мээнэҕэ бараабакка, туһалаахтык атаарыҥ. Саҥа дьоҕур, талаан арыллыан сөп. Үөрэ-көтө сылдьыҥ, барыта орун-оннугар түһүөҕэ. Ситиһии кэмэ кэлбит.

edersaas.ru

#бүгүн: 1
4
0

Сайт матырыйаалларын ааптар көҥүлэ суох ылар бобуллар.

Мин санаам:

девятнадцать + одиннадцать =