ХОЙ. Элбэх сыраны эрэйэр нэдиэлэ. Балачча тиритэ-хорута үлэлээтэххинэ эрэ тугу эмэ ситиһиэҥ. Ол гынан баран, туохха да түмүк оҥоро охсорго, быһааран кэбиһэргэ тиэтэйимэ. Бэйэҥ эрэ кыһалҕаҕын көрүмэ, атыттарга төһөнөн көмөлөһүөҥ, өйөбүл буолуоҥ, соччонон эрэлиҥ улаатыа. Туора дьоҥҥо былааҥҥын, ыра санааҕын кэпсээмэ. Бу күннэргэ күлүккэ сылдьыбытыҥ ордук буолуоҕа. Дьиэҕэр-уоккар барыта этэҥҥэ. Чугас дьоҥҥор болҕомтолоохтук сыһыаннас.
ОҔУС. Санааҥ көтөҕүллэр, күүс-уох эбиллэр. Ол түмүгэр бэрт элбэҕи ситиһэҕин. Улахан сыалы-соругу туруоруннаххына, толорон тэйэр кыахтаммыккын. Бу күннэргэ саҥа сонун бырайыакка, үлэҕэ ылыстаххына, барыта санааҥ хоту буолуоҕа. Дьиэҕэр-уоккар наадалаах боппуруостаргын түргэнник быһаарыаҥ. Миэбэл, бытовой тиэхиньикэ, туох эрэ наадалаах мал-сал атыыласпытыҥ өр туһалыа. Тус бэйэҥ олоххор эмиэ үчүгэй уларыйыылар буолуохтара. Дьону-сэргэни кытары түргэнник өйдөһүөҥ.
ИГИРЭЛЭР. Нэдиэлэ саҥатыгар үлэҕэр улахан болҕомтолоох буоларыҥ эрэйиллэр. Ким эрэ эйигин бутуйа сатыыр, эн дьону-сэргэни итэҕэйэргинэн туһанар. Онон саҥарар тылгар, кэпсэтэргэр бу күннэргэ ордук сэрэхтээх буол. Чэппиэргэ диэри саҥа билсиһиилэртэн, ону-маны эрэннэрэр дьонтон дьалты тутун. Нэдиэлэ ортотуттан саҕалаан барыта уоскуйан, оннун-сүнньүн булан барыаҕа. Бу кэмтэн урукку былааҥҥар, сыалгар-соруккар ылсарыҥ ордук. Онуоха нэдиэлэ бүтүүтэ билсибит киһиҥ тус олоххор уларытыыны киллэриэ. Бу күннэргэ эбии үөрэнииҥ туһалаах буолуоҕа. Ыраахтан олус наадалаах сонуну истиэҥ. Ол баҕа санааҕын толороргор көмөлөһүө.
АРААК. Сыалгын-соруккун ситиһэргэр сыралаһарыҥ ирдэниэ. Онтуҥ ыараан бардаҕына, санааҕын түһэримэ, самныма. Быһаарыныы ылынаргар барытын сыта-тура сыымайдыырыҥ, ыараҥнатан көрөрүҥ ордук. Онуоха бу күннэргэ олус наадалаах уонна туһалаах көрсүһүү күүтэр. Онно билсибит дьонуҥ былааҥҥын толороргор, үлэҕэр сонун сүүрээни киллэрэргэр өйөбүл буолуохтара. Үлэҕэр ким эрэ истиҥ көрсүһүүгэ ыҥырыа. Төһө да барытын ситиһэ, харчылаһа сатаабытыҥ иһин, күүскүн-уоххун аһара бараама. Ол оннугар сынньан, уоскуй, сэрээккэлээ. Доруобуйаҕын чэбдигирдиннэххинэ, кэлин бэйэҥ бэйэҕэр махтаныаҥ.
ХАХАЙ. Үлэҕэр ураты, сонун көрүүлэри, этиилэри киллэрэриҥ наада буолбут. Үчүгэй түмүгү ситиһиэххин баҕарар буоллаххына, харса суох ылыс. Нэдиэлэ ортотугар улахан болҕомтолоох буоларыҥ, быһаарыныыны тиэтэйбэккэ ылынарыҥ ордук. Үлэҕэр да, олоххор да быстах, ааһар, ымсыырдар уххаҥҥа оҕустарыма. Бу күннэргэ толкуйдаахтык үлэлээтэххинэ, кэлэр өттүгэр улахан ситиһиилэр күүтэллэр. Нэдиэлэ бүтүүтэ ыраах айаннаама, элбэх киһи мустар сиригэр сылдьыма. Ол оннугар чугас дьоҥҥор болҕомтоҕун уурбутуҥ, сибиэһэй салгынынан тыыммытыҥ, дьиэҕэр-уоккар туһалааҕы оҥорбутуҥ тус олоххор, бэйэҕэр уоскулаҥы аҕалыа.
КЫЫС. Үлэҕэр, дьыалаҕар-куолугар ситиһиилэр күүтэллэр. Санааҥ күүһүрүө, өйүҥ-санааҥ чэбдигириэ. Онон тугу барытын кыайа-хото тутуоҥ. Сорудаҕы түргэнник толоруоҥ. Урут хаалларбыт боппуруостаргын бу күннэргэ быһааран кэбиһэр кыах үөскүө. Тулаҕар баар дьону кытары уопсай тылы түргэнник булуоҥ. Саҥа доҕоттордонуоҥ, биир санаалаахтаргын көрсүөҥ. Күүс-уох, сэниэ үөһэттэн кутуллан киириэ. Ол түмүгэр үлэҕэр, спорка барытыгар ситиһиилэниэҥ. Бу күннэргэ ханна эрэ баран кэлииҥ туһалаах буолуоҕа. Өрөбүллэргин чугас дьоҥҥун кытары атаар.
ЫЙААҺЫН. Нэдиэлэ саҥата үчүгэй. Уруккуттан тугу эрэ баҕарбыккын билигин саҕалаатаххына ситиһиэҥ. Санаан да көрбөтөх дьонуҥ эн былааҥҥын, баҕаҕын толороргор көмөлөһүөхтэрэ. Бииргэ үлэлиир дьонуҥ эн кыаххын арыйаргар өйөбүл буолуохтара. Нэдиэлэ ортотуттан саҕалаан түбүк-садьык элбиэҕэ. Итинтэн сылтаан, сорох былааҥҥын уларытарга күһэллиэҥ. Төһө да солото суох буолларгын, чугас дьоҥҥун умнума. Кинилэр ордук бу күннэргэ эн болҕомтоҕор, өйөбүлгэр наадыйан туруохтара. Нэдиэлэ бүтүүтэ санааҥ-онооҥ түһэн ылыа. Кыраттан сылтахтанан кыыһыран-абаран туруоххун сөп. Уоскуйа сатаа. Туохха да тиэтэйимэ, ыгыллыма. Оччоҕо барыта орун-оннугар түһүө.
СКОРПИОН. Түбүктээх эрээри олус интэриэһинэй нэдиэлэ. Үөскүүр боппуруоһу, кыһалҕаны барытын олус түргэнник быһаарыаҥ. Бу күннэргэ наһаа элбэх билсиһии күүтэр. Чугастык саныыр дьоҥҥун кытары сыһыаныҥ тупсуо. Онуоха кинилэр эйигин өйүүллэрэ санааҕын улаханнык бөҕөргөтүө. Нэдиэлэ бүтүүтэ үөрүүлээх сонуну истиэҥ. Сонун, ураты санаалар киириэхтэрэ. Олору толорорго эмиэ чугас дьонуҥ өйөбүл буолуохтара. Соһуччу бэлэх тутуоххун, бириэмийэлэниэххин сөп. Түүлгэр болҕомтоҕун уур. Сибиэһэй салгыҥҥа сырыттаххына, дуоһуйа сынньаныаҥ. Доруобуйаҥ этэҥҥэ.
ОХЧУТ. Үлэҕэр ыарахаттар үөскүөхтэрэ. Тыл тылга киирсибэт, өйдөспөт буолуу түгэннэрэ үөскүөхтэрэ. Быһаарыныыны уһата-кэҥэтэ барбакка ылынан ис. Ол гынан баран, сэрэн. Барытыгар толкуйдаахтык сыһыаннас. Кимниин эрэ иирсибитиҥ өр кэмҥэ соһулла-сыһылла сылдьыан сөп. Онон бэйэҕин туттунарыҥ, киэҥ көҕүстээх буоларыҥ ордук. Бу дьиэ кэргэҥҥин кытары сыһыаҥҥар эмиэ көстөр. Сиэрэй күннэр диэн санаарҕаама. Нэдиэлэ бүтүүтэ ситиһиилэр күүтэллэр. Урукку сыалгын-соруккун ситиһиэххин сөп. Онуоха олус интэриэһинэй этиилэр киириэхтэрэ. Сорох охчуттар ханна эрэ ыраах үлэлэринэн эбэтэр сынньана айанныахтара. Сорохтор бу күннэргэ үлэлэринэн элбэх тэрилтэлэргэ сылдьыахтара.
ЧУБУКУ. Нэдиэлэ бастакы аҥаара ыарахан соҕус буолуо. Онон үлэҕэр-хамнаскар хаһааҥҥытааҕар да кыһалын, сүүр-көт. Оччоҕуна эрэ сорудаҕы кэмигэр толорор кыахтаныаҥ. Олус элбэх үлэттэн, баҕарбатаҕыҥ да иһин, сорох былааҥҥын уларытарга күһэллиэҥ. Төһө да сыраласпытыҥ иһин, сэрэдэ, чэппиэр өссө түбүктээх буолан биэриэҕэ. Ити кэмҥэ үлэҕэр куоталаһааччылар баалларын ордук биллэриэхтэрэ. Ыксааһынтан, ыгылыйыыттан биир санаалаахтаргын кытары иирсэн туруоххун сөп. Баҕа санааҕын кимиэхэ да быктарыма, түүлгүн кэпсээмэ. Нэдиэлэ бүтүүтэ налыччы күннэр үүнүөхтэрэ. Онно чугас дьоҥҥор, кинилэр доруобуйаларыгар болҕомтоҕун уурарыҥ наада буолуоҕа.
КҮРҮЛГЭН. Түбүктээх күннэр-дьыллар. Сыалы-соругу ситиһэргэ балачча сыралаһаҕын. Биир санаалаахтаргын бэйэҥ тула мус. Тоҕо диэтэххэ, эрэммит дьонуҥ түһэн биэриэхтэрин, таҥнарыахтарын да сөп. Нэдиэлэ ортотугар түбүк-садьык өссө элбээн биэриэҕэ. Онуоха үлэҕин, былааҥҥын толороргор ким эрэ соруйан мэһэйдэһэ сатыаҕа. Ким эрэ ордугурҕаан тыл-өс да ыыта сатыаҕа. Барытыгар сэрэхтээх уонна болҕомтолоох буоллаххына, эйигин ким да самнарыа суоҕа. Нэдиэлэ бүтүүтүгэр үчүгэй кэпсэтиилэр күүтэллэр. Онно эйигин өйүүр, өйдүүр дьон көстүөхтэрэ. Соһуччу бэлэх, кэһии уонна бириэмийэ тутуоҕуҥ. Өрөбүллэргэр дуоһуйа, астына сынньанар курдук былааннан. Сарсыардааҥҥы сэрээккэ доруобуйаҕар көмөтө, туһата хаһааҥҥытааҕар да улаатыа.
БАЛЫКТАР. Сыраҕын-сылбаҕын балачча эрэйэр күннэр. Онно өсөһөн туран ылыс, сыалгын-соруккун тиһэҕэр тиэрдэргэ кыһалын. Оччоҕуна биэтэккэ кыайыылаах тахсыаҥ. Ол тус олоххор да, үлэҕэр да ситиһиилэри тосхойо туруо. Маныаха сорох түгэҥҥэ дууһаҥ иэйбэт да курдук буолуон сөп эрээри, үлэҕэр саҥа, сонун сүүрээни киллэрэртэн аккаастаныма. Онтон нэдиэлэ бүтүүтэ барыта сырдаан, тупсан барыа. Бэйэҥ күүскэр эрэлиҥ улаатыа. Ити кэмҥэ тугу барытын кыайа-хото тутар уратыланыаҥ. Ол да буоллар, туох эрэ улахан суолталааҕы нэдиэлэ ортотугар быһаара охсорго тиэтэйимэ. Чугас дьоҥҥун, бииргэ үлэлиир кэллиэгэлэргин кытары нэдиэлэ бүтүүтэ истиҥник кэпсэт.
