Күүтүүлээх сандал сааспыт тиийэн кэллэ. Муус устар ый үүннэ. Санаа-оноо көтөҕүлүннэ, тулабыт сандаарда, сырдаата. Дьэ, бу кэмҥэ, сулустарбыт биһиэхэ тугу сипсийэр эбиттэрий? Чуо бу нэдиэлэҕэ туох күүтэрий?
ХОЙ. Үлэҥ-хамнаһыҥ нэдиэлэ саҥатыгар ордук табыллыа. Урбаанынан дьарыктанар киһиэхэ, сулустар боппуруоһу соҕотоҕун быһаараргар сүбэлииллэр. Оччоҕуна ордук кыайыылаах-хотуулаах буолуоҥ дииллэр. Хой бэлиэтигэр төрөөбүт дьон үлэҕитигэр-хамнаскытыгар ситиһиигитин бу күннэргэ салалтаҕыт өйдөөн көрдөҕүнэ, дуоһунаскыт үрдүөн сөп. Бээтинсэ эмиэ үчүгэйи бэлэхтиэн сөп, өскөтүн доҕотторгор бу ааспыт күннэргэ болҕомтоҕун ууран өйөбүл буолбут буоллаххына. Ол өйөөбүт доҕотторуҥ, аны, эйиэхэ былааҥҥын олоххо киллэрэргэр көмөлөһүөхтэрэ. Эбии харчылаһыаххын сөп. Ол эрээри, ону ыһа-тоҕо кэпсээмэ.
Бу күннэргэ кими эрэ олус сэргии, сэҥээрэ көрүөҥ. Ол гынан баран, онон умсугуйума. Ааһар быстах таптал ухханыгар охтума.
ОҔУС. Ситэрбэтэххин ситэрэргэр тоҕоостоох күннэр үүннүлэр. Ол гынан баран, кыһаллыбыккын-мүһэллибиккин сыаналаабат дьон баар буолуохтарын сөп. Олору кытары мөккүһэ сатаама. Ордук нэдиэлэ саҥатыгар уонна бээтинсэҕэ кимниин да иирсимэ. Тылга-өскө киирсэр дьон баар да буоллаҕына, туора көт. Оптуорунньукка эйиэхэ кэлэр өртүгэр олус наадалаах, туһалаах дьыалабыай көрсүһүү, кэпсэтии буолуоҕа. Оннук кэпсэтиигэ ыҥырдахтарына аккаастаныма, туора турума. Командировкаҕа бардаххына айаныҥ-сырыыҥ олус табыллыа. Чэппиэргэ, бээтинсэҕэ үчүгэй сонуну истиэҥ.
Өрөбүллэргин дьиэҕэр атаар. Тапталлааххын кытары уопсай тылы булуоҥ, өйдөһүөххүт.
ИГИРЭЛЭР. Уоппуска туһунан саныырыҥ хаһааҥҥытааҕар да элбээбит. Онон бу күннэргэ аһары элбэх үлэни былааннаныма. Онто да суох, бэриллибит сорудаҕы бэрт кэбэҕэстик толорон, ситэрэн-хоторон иһэҕин. Ити өттүгэр эйиэхэ барыта табыллар. Үлэҕин сэргэ, бэрт интэриэһинэй этиилэр, бырайыактар киириэхтэрин сөп. Онно болҕомтоҕун уурдаххына, кыһалыннаххына эбии харчылаһар кыахтаныаҥ.
Дьон болҕомтотун наһаа тардар буолбуккун, эйигин сэҥээрээччилэр элбээбиттэр. Ону сүрэххинэн сэрэйэҕин. Ол гынан баран, сэрэхтээх буол. Таптаатым диэбитиҥ сотору ааһан соһутуо, сонньутуо. Өрөбүллэргин чугас дьоҥҥун кытары атаар.
АРААК. Үлэҕэр саҥалыы, сонун көрүү наада буолбут. Олорон хаалбакка сибиэһэй салгыҥҥа сырыт, сонун көрүүлээх дьону кытта алтыс. Кыһамньыҥ таах хаалыа суоҕа. Ити кэмҥэ сулустар эйиэхэ мичик гыныахтара. Оччоҕуна үлэҕэр ситиһиилэниэҥ, исписэлиис быһыытынан сотору үрдүк сыанабылы ылыаҥ. Бу нэдиэлэҕэ үп-харчы хамсыа. Ол эрээри, хармааҥҥар ол олус охсуо суоҕа. Өрөбүллэргэр дьиэҕэр-уоккар көмөлөс, сууй-тараа, өрөмүөннэ оҥор, обуойда уларыт. Бу күн чугас дьонуҥ эйигин үөрдүөхтэрэ.
Тапталлааххын кытары сыһыаҥҥар кыратык өйдөспөт буолуу тахсыа. Онно уокка арыыны кутума, тапталлааххын да талбытынан аһары ыытыма. Өрөбүллэргэ өйгүн-санааҕын түмп, санааҕын сааһылаа.
ХАХАЙ. Билиигин-көрүүгүн хаҥатынарга кыһалын, эппиэтинэстээх буол. Оптуорунньукка үөскээбит быһыыны-майгыны сөптөөхтүк быһаарарга кыһалын, үлэҕэр көхтөөх буол. Тулалыыр дьонуҥ көмөлөрүттэн аккаастаныма. Бээтинсэҕэ дьыалабыай көрсүһүүнү болдьоомо, бу күн салалтаҕыттан өйөбүл ылыаҥ суоҕа. Нэдиэлэ саҥатыгар харчы туһунан боппуруоһу көтөҕүмэ, онно сыһыаннаах кэпсэтии таҕыстаҕына да кыттыһыма. Онтон сылтахтанан харчыгар сүүйтэриилээх хаалыаххын сөп. Атыылаһаргар эмиэ болҕомтолоох буол. Сыаната ыарахан буолла да, ол аата үчүгэй диэн саныыргыт тохтот.
Кэргэнэ суох хахайдар сөбүлээбит киһигитин кытары “оонньоспутунан” барымаҥ. Онто да суох, быһаарыныыны ылынар кэмҥит адьас чугаһаабыт. Ыал буолбуттар субуотаҕа олоххут аргыһын кытары быһаарса сатаамаҥ, иирсимэҥ.
КЫЫС. Тулаҕар буола турарга уһуну-киэҥи толкуйдаан сыһыаннас. Туора дьон санаатыгар, тылыгар-өһүгэр киирэн биэримэ. Бииргэ үлэлиир дьоҥҥун кириитикэлээмэ. Бу күннэргэ дуоһунаһыҥ үрдүөн эбэтэр атын үлэҕэ көһүөххүн сөп. Хайҕаатахтарына, наһаа билинимэ. Иннигэр улахан ситиһии уонна үп-харчы тупсуута көстөр. Ол гынан баран, олоҕуҥ аргыһа онно эйигин кытары сөбүлэһимиэн сөп. Кэнники кэмҥэ харчыгынан солуута суох ыскайдамматах буоллаххына, үп-харчы боппуруоһугар туох да суоһаабат. Арай, аймахтарыҥ, чугас дьонуҥ эн көмөҕөр наадыйыахтарын сөп. Чэппиэргэ, бээтинсэҕэ үлэҕэр иирсээн таҕыстаҕына, кыттыһыма.
Таптыыр киһиҥ санаатын тулуйан иһит. Солуута суохтан кыыһыран, тымтан турума. Үлэҕэр да, дьиэҕэр да кими эмэ буруйдуу сатааһыҥҥыттан улахан айдаан тахсыан сөп. Сэрэхтээх буол.
ЫЙААҺЫН. Үөскээбит кыһалҕалары, күөрэйбит боппуруостары этэҥҥэ быһаарыаҥ. Үлэҕин уларытыаххын баҕарар буоллаххына, уһата-кэҥэтэ сылдьыма. Оптуорунньук эйиэхэ ситиһиилэри тосхойуо. Үөрэ-көтө сырыт, сэрэйэн көрөр дьоҕургар эрэн. Сулустар эйиэхэ үп-харчы бу нэдиэлэҕэ үчүгэй диэн билгэлииллэр. Туох баар кэпсэтиһииҥ, хантараак түһэрсииҥ барыта табыллыа. Өрөбүллэргэр рестораҥҥа эбэтэр ханна эмэ сынньана барыаххын сөп.
Тус олоххор болҕомтолоох буол. Бу бэлиэҕэ төрөөбүт кэргэнэ суохтарга сулустар, доҕоргун кытта сыһыаҥҥын толкуйдаан көрөргөр сүбэлииллэр. Эн оонньоон-көрүлээн, бириэмэ эрэ атааран сылдьаргын, чугас доҕоруҥ сөбүлээбэккэ эйигиттэн тэйиэн сөп.
СКОРПИОН. Бэйэҥ кыаххын билин, хайдах баарынан, кырдьыгынан көр. Кыайаргар ылыстаххына ситиһиилэниэҥ, хайҕаныаҥ. Ол гынан баран, болҕомтолоох буол. Үрдүнэн сыһыаннаһыма. Наадалаах сонуннары куоттарыма. Билиигин-көрүүгүн, сэниэҕин-онооҕун саҥа дьыалабыай кэпсэтиигэ анаа. Таһаарыылаахтык үлэлииргин көрдөрдөххүнэ, салалтаҥ хамнаскын үрдэтиэн сөп. Онуоха эн үлэҕин кыайа-хото тутаргын көрдөрөн, дакаастаан онон туһаныаххын да сөп. Оптуорунньукка атыыласпытыҥ өр сулууспалыа. Бээтинсэҕэ харчы тутуоҥ.
Дьиэҕэр-уоккар барыта этэҥҥэ. Субуотаҕа өрдөөҕү былааҥҥын олоххо киллэрэргэ кыһалын. Өрөбүлгэ сынньана таарыйа дьиэ кэргэнинэн ханна эмэ күүлэйдии да барыаххытын сөп.
ОХЧУТ. Олоххор бигэ туруктааҕыҥ, үөрэ-көтө сылдьарыҥ көрсүбүт мэһэйдэри этэҥҥэ туоруургар көмөлөһөр. Онуоха нэдиэлэ саҥатыгар ханна даҕаны хойутаабаккар сулустар сүбэлииллэр. Сүктэриллибит үлэҕин саҥаттан толоруоххун баҕарбат буоллаххына, сэрэдэҕэ туох баар бытархай боппуруоһугар тиийэ быһаарыс, чуолкайдаа. Чэппиэргэ салайааччыгын кытары үөскээбит кыһалҕаны быһаарсыма. Кини бэйэтэ ити боппуруоһу көтөхтөҕүнэ, сүүйүүлээх эн буолуоҥ. Өрөбүлгүн бэйэҕэр анаа. Эбии харчылаһыаххын сөп. Нэдиэлэ саҥатыгар туһалаах билсиһии күүтэр. Кирэдьиит ылыма, улаханы атыылаһыма.
Имиджкин уларыттаххына, бэйэҕэр эрэлиҥ күүһүрүө. Ол да буоллар, чэппиэргэ кимниин да көрсүмэ. Бу күн соҕотохсуйан санааҕын сааһыланарыҥ ордук.
ЧУБУКУ. Урут саҕалаабыт үлэҕин түмүктээн өрө тыыныаҥ, эбиитин онтон дуоһуйуоҥ. Өссө ол үлэҥ иһин харчы ылыаҥ. Чэппиэргэ үлэҕин туораттан көмөтө, кыттыгаһа суох бэйэҥ эрэ оҥороруҥ курдук туруорус. Кыайыы-хотуу көтөллөнүөҥ. Өрөбүлгэ интэриэһинэй көрсүһүү күүтэр. Бу нэдиэлэ устатыгар кыралаан да буоллар харчылаһыаххын сөп. Ордук урбаан хайысхатыгар табыллыаҥ. Саҥаҕа, сонуҥҥа үөрэнэртэн, холонортон аккаастаныма. Кэлин онтуҥ олус туһалыа.
Бу күннэргэ соһуччу үөрүүлэр тосхойоллор. Соһуйуоҥ иһин, хас да романтическай көрсүһүү күүтэр. Олортон сэрэдэҕэ эрэ сөбүлэһимэ. Оттон бээтинсэҕэ бириэмэҕин чугас доҕотторгун кытары атаар.
КҮРҮЛГЭН. Түбүгүрүмэ. Уоскуй уонна сүүрүк хоту аа-дьуо уһун. Наадалаах түгэн тосхойдоҕуна, бэйэтэ кытылга таһаарыа. Үлэҕэр иһитиннэрии ситэ тиийбэтиттэн санааргыыгын. Ол гынан баран, билигин эн сынньана түһэриҥ наада. Онон күүскүн-уоххун сөптөөҕүнэн туһан. Дьыалабыай кэпсэтиини, хантараак түһэрсиини оптуорунньукка былаанныырыҥ ордук. Бээтинсэҕэ ыраах олорор аймахтаргыттан эбэтэр табаарыстаргыттан сонун кэлиэ. Өрөбүлгэ сынньанар курдук толкуйдан. Үп-харчы боппуруоһа тупсар. Доҕотторуҥ эн тускар наадалаах дьыалабыай көрсүһүүнү тэрийэн биэриэхтэрэ. Ол эйиэхэ кэлэр өртүгэр наһаа көмөлөһүө. Бу күннэргэ бааҥҥа сылдьар буоллаххына, сэрэхтээх, болҕомтолоох буоларыҥ ирдэнэр.
Саҥа билсиһиилэр күүтэллэр. Бу бэлиэҕэ төрөөбүт соҕотох күрүлгэннэр доҕордоспуттара ырааппыт дьоннорун кытта холбоһуохтарын сөп.
БАЛЫКТАР. Буолар түгэни түргэтэтэ, тиэтэтэ сатаама. Халбархай соҕус быһыыга кииримэ, сөбүлэһимэ. Сэттэтэ мээрэйдээ, биирдэ быс. Туруоруҥ уонна сыалгын-соруккун ситиһэн тэйэргэ дьулууруҥ үлэҕэр кыайыыны-хотууну, ситиһиини аҕалыа. Дьиэ-уот боппуруоһун чэппиэргэ быһаарсарыҥ ордук. Субуотаны дьиэ кэргэҥҥэр анаа. Оҕоҕор, чугас дьоҥҥор болҕомтоҕун уур. Үп-харчы боппуруоһа куһаҕана суох. Баҕарбытыҥ курдук да буолбатар, кыралаан эбии киириэ. Ол гынан баран, бээтинсэҕэ сынньанаргар элбэх харчыны бараама.
Тапталлааххын кытары сыһыаҥҥыт уларыйыа. Икки ардыгытыгар сыһыан тымныйбытын сэрэйдэххинэ даҕаны, ол боппуруоһу ордук сэрэдэҕэ таарыйа сатаама. Атын да күҥҥэ бу боппуруос күөрэйэн кэллэҕинэ, күнүүлээмэ. Тыл тылга киирсибэт буолууну, киҥир-хаҥыр саҥарсыыны бэйэҥ сымната сатаа.