Хой
Бу нэдиэлэҕэ хойдору ситиһии күүтэр. Эмискэ күүс киирэн, ылсыбыт дьыалаҕытын, үлэҕитин барытын кыайыаххыт. Бэйэҕитигэр дьон болҕомтотун тардыаххытын баҕарар буоллаххытына, бу нэдиэлэ оруобуна онно сөп түбэһэр. Айар үлэнэн дьарыктанар дьоңңо иэйии киириэн сөп.
Оҕус
Оҕустар кистэлэң өйүүр киһилэниэххитиң сөп. Кини көмөтүнэн туруоруммут сыалгытын ситиһэр кыахтаныаххыт. Айар үлэнэн дьарыктаныан баҕалаах оҕустарга бу нэдиэлэ тоҕоостоох буолуоҕа. Өссө ханна эрэ күүлэйдии, сынньана барар бириэмэ көстүөҕэ. Дьиэҕитигэр, ол эрэн, этиһиилэр, өйдөспөт түгэннэр үөскүөхтэрин сөп, ол иһин чугас дьоңңутугар истиң буоларгыт эрэйиллэр.
Игирэ
Игирэлэр ылсыбыккытын барытын бу нэдиэлэҕэ кыайа-хото тутуоххут. Бу нэдиэлэҕэ саңа дьону кытта билсиһэр, доҕордоһор бириэмэлэниэххит, маны мүччү тутумаҥ гынан баран, түргэн быһаарыныылары ылбаккыт ордук. Барытын ыйааһыннаан көрүҥ.
Араак
Үлэҕитигэр таһаарыылаах нэдиэлэ, үчүгэй өттүгэр уларыйыылар буолуохтара. Олоххутугар сүбэ-ама биэрэр, өйүүр киһи кэлэрэ күүтүллэр. Барыта үчүгэй буолуоҕа.
Хахай
Мөлтөх доруобуйалаах хахайдарга бу нэдиэлэ арыый ыараханнык ааһыа. Искит, күөмэйгит ыалдьыан сөп. Аһыыр аскытын үчүгэйдик көрүнүҥ, атын билбэккитин мээнэ боруобалаамаҥ, элбэх калорийдааҕы сиэмэҥ. Ыарахаттары тулуйарга үөрэниҥ.
Кыыс
Бу нэдиэлэҕэ сэрэхтээх буоларгыт эрэйиллэр. Суолга-иискэ мээнэ сүүрүмэҥ, эчэйии ылыаххытын сөп. Арыый бытааннык сылдьыҥ, дьиэҕитигэр олорон тыыныы гимнастикатын оҥоруоххутун наада, санааҕытың сааһылааҥ.
Ыйааһын
Бу нэдиэлэҕэ эккиттэн-сииҥҥиттэн, санааҥ күүһүттэн барыта тутулуктаах. Битэмииннэ сии сатааҥ, уута элбэхтэ иһиҥ. Барытыгар бэлэм буолуҥ, бу күннэргэ кальций тиийбэтиттэн тиискит, уңуоххут, сүһүөхтэргит ыалдьыан сөп. Элбэх болҕомтону атаххытыгар ууруҥ. Аскыт сибиэһэйин үчүгэйдик көрө сылдьыҥ.
Скорпион
Доҕотторуҥ көмөтүнэн, бэйэҥ өркөн өйгүнэн харчынан «бэлэх» кэлэрэ күүтүллэр. Эмискэ эйигин албынныы сатыахтара, нэдиэлэ ортотугар дьарыккын, үлэҕин уларытыаххын сөп. Онтон толлума, барыта нэдиэлэ бүтэһигэр үчүгэй буолуо, өрөбүллэргин доҕотторгун кытта атаарыаҥ.
Охчут
Бу нэдиэлэҕэ эн дьыалаларгар атын дьон орооһуо, онон барыларын кытта биир тылы була сатаа. Ким доҕор, ким доҕор буолбатаҕын үчүгэйдик көр. Ханнык баҕарар түгэҥҥэ сырдык өттүн тутус, сокуону кэһимэ. Сыыһаны оҥордоххуна куһаҕан түмүктэр баар буолуохтарын сөп. Харчы өттүгэр иэскин-күүскүн барытын туттара сатаа.
Чубуку
Ону-маны атыылаһаргар барытын үчүгэйдик көрө сырыт, албыннатыаххын сөп. Харчыттан сылтаан айдаан тахсыан сөп, ол иһин бу нэдиэлэҕэ улахан тугу даҕаны атыылаһа сатаама. Айаны кытта сибээстээх сыыһа быһаарыныылар тахсыахтарын сөп. Тохсунньу 19 күнүгэр ханнык да быһаарыныылары ылбаккыт эрэйиллэр. Дьиэҕитигэр сынньаның, күүстэ-уохта ылының.
Водолей
Болҕомтолоох буол, сотору улахан уларыйыылар буолуохтара, харчы хамсыан сөп. Нэдиэлэ ортото үлэҕитигэр кытаатың, эмискэ харчы өлөрөр бириэмэ көстүө. Онон, нэдиэлэ бастакы аңаарыгар харчы өттүгэр улахан быһаарыныылары ыларга ыксаама.
Балык
Күннээҕи олохтон сылайаңңын туох эрэ саҥаны баҕараҕын, ол эрэн, олоххор туох эрэ уларыйыылар буолалларыгар бэйэҥ хамсыаххын, үлэлиэххин наада. Нэдиэлэ ортото харчыгын элбэтэриң туһунан санаа. Ыксаама. Барытын өйдөөн-төйдөөн оңордоххуна, баҕарбытың туолуоҕа. edersaas.ru
+1
+1
+1
+1
+1
+1
+1