Хой. Бу нэдиэлэ хойдорго ураты соҕус буолуоҕа. Мунньулла, тууйулла сылдьыбыт санааҥ эн үлэҕин, үөрэххин бытаардыан сөп. Болҕомтото суох буоллаххына, дьыалабыай кэпсэтиигэ киирбэккит ордук диэн сулустар сүбэлииллэр.
Оҕус. Нэдиэлэ саҕаланыыта оҕустарга үчүгэй билсиһии күүтэр. Үөрэххэ, айаҥҥа тоҕоостоох кэм кэлбит. Онон оҕустарга бу түгэни мүччү туппакка, таптыыр киһигитин кытта киинэҕэ, рестораҥҥа сылдьарыгытын сүбэлииллэр.
Игирэлэр. Бу нэдиэлэҕэ буолар уларыйыылар, хомойуох иһин, хомолтолоох буолуохтара. Онон игирэлэр барытыгар сэрэнэн-сэрбэнэн сылдьаргыт ордук.
Араак. Араактарга үчүгэй нэдиэлэ үүммүт. Элбэх соһуччу үөрүүлээх түгэн күүтэр. Туруоруммут сыалгытын, баҕа санааҕытын олоххо киллэрэр кэм кэлбит. Ону барытын ситиһиилээхтик оҥордоххутуна, олоххо көстөр ыарахаттары түргэнник, биллибэттик аһарыаххытын сөп.
Хахай. Хахайдары нэдиэлэ ортотугар докумуон толорсуутугар сэрэхтээхтик сыһыаннаһыҥ диэн сүбэлииллэр. Атыылаһыахтаах табааргытын (таҥас, миэбэл, оонньуур, иһит-хомуос о.д.а.) бу нэдиэлэҕэ ылбакка, кэлин ыларгыт ордук.
Кыыс. Бэйэҕит дьыалаҕытын бэрээдэктииргэ тоҕоостоох бириэмэ үүммүт. Урут сыыспыт алҕастаргытын сатаан ырытар, ылынар буоллаххытына, тапталга ситиһии күүтүөн сөп диэн сулустар сүбэлииллэр.
Ыйааһын. Хомойуох иһин, сулустар нэдиэлэҕит уустуктардаах буолуо диэн сэрэтэллэр. Олоххо ыарахаттар уонна моһоллор туруоруммут сыалгытын буортулуохтарын сөп. Онон барытын былааннаан, ыксаабакка ылсыҥ.
Скорпион. Бу нэдиэдэ скорпионнарга таһаарылаах. Дьулуургут, чаҕылхай толкуйгут, ылыннарыылаах тылгыт-өскүт онуоха төһүү күүс буолуоҕа. Нэдиэлэ бүтүүтүгэр кыайыылаах тахсыаххыт.
Охчут. Элбэх ньиэрбэ-тирии баранарыгар бэлэмнээх сылдьыҥ. Ардыгар үөрүөххүт, ардыгар хомойуоххут. Уоскулаҥы айар үлэҕэ булуоххутун сөп. Онон үлэ, үөрэх кэнниттэн айымньылаах дьыаланан дьарыктаныҥ.
Чубуку. Бу нэдиэлэ чубукуларга олус үчүгэй. Былааннаргыт, идеяларгыт олоххо киириэхтэрин сөп. Өскөтүн, күүскүтүгэр эрэллээх, быһаччы быһаарыылаах буоллаххытына, барыта табыллыаҕа.
Водолей. Сатаан оҥорбокко, илиигит тиийбэккэ сылдьыбыт дьыалатын бу нэдиэлэҕэ оҥороргут табыгастаах. Нэдиэлэ саҕаланыытыгар дьыалабыай көрсүһүүлэри былаанныыр сатаммат. Ол кэриэтэ сынньаммыккыт, дьиэ кэргэҥҥэ, чугас дьоҥҥутугар болҕомтоҕутун аныыргыт ордук.
Балыктар. Өрө көтөҕүүлээх нэдиэлэ үүммүт. Тус олоххутугар, дьыалабыай үлэҕэ ситиһиилээх буолсугут. Өскөтүн, нэдиэлэ устата дьылҕаҥ үчүгэйгэ сирдээбэт да буоллаҕына, син биир түмүгэр ситиһиилээх, кыайыылаах-хотуулаах буолуоххут.