“Саханефтегазсбыт” бензинэ эмиэ ыараата

Бөлөххө киир:

“Саханефтегазсбыт” сапыраапкаланар ыстаансыйаларыгар сэтинньи 1 күнүттэн бензин сыаната 1,8 солк. үрдээтэ. АИ-95 уматык билигин 55,6 солк. атыыланар. Уматык сыанатын сыл бүтүөр диэри үрдэппэт туһугар РФ Бырабыыталыстыбатын этиитигэр ньиэп бырамыысыланнаһын үлэһиттэрэ сөбүлэспиттэрин үрдүнэн, Саха сиригэр бензин эмиэ ыараата.

edersaas.ru

“Саханефтегазсбыт” генеральнай дириэктэрэ Игорь Никитин этэринэн, ньиэп эйгэтигэр нолуок ааҕыллыыта уларыйан, уматыгы тиэйэн аҕалааччылар төлөбүрдэрин көтөхпүттэр, ол иһин сыана эбиллибит.

«Урукку сыллартан хаалбыт саппаас суотугар өрөспүүбүлүкэ уматык сыаната үрдүүрүн 3-4% тута олорбута», — диэн быһаарар кини.

Сир баайын хостуурга нолуок үрдээн, ньиэп бородууктатын тас дойдуга таһаарарга төлөнөр пошлина 2024 сылга диэри сотуллуоҕа.

Санатан эттэххэ, алтынньы 1 күнүгэр «Саханефтегазсбыт» бензин сыанатын балтараа солкуобайынан үрдэппитэ.

Арассыыйа үрдүнэн саамай ыарахан сыаналаах бензин биһиги өрөспүүбүлүкэбитигэр баар. Холобур, хара көмүһү хостуур илиҥҥи дойдуларга, чуолаан Ираҥҥа 95-тээх бензин лиитэрэтэ — 16 солк., Москваҕа — 44-45 солк., Санкт Петербурга — 42-43 солк., Тамбовскай уобаласка — 37,5 солк.

Марианна Тыртыкова, edersaas.ru

+1
0
+1
0
+1
0
+1
0
+1
0
+1
0
+1
0