Эрдэ иһитиннэрбиппит курдук, СӨ Роспотребнадзор управлениета дьон сүһүрбүт «Сайра» балык кэнсиэрбэтин атыыттан устар дьаһаллары ыытар.
edersaas.ru
Управление үлэһиттэрэ атырдьах ыйын 8 күнүгэр Дьокуускай куоракка уонна илин эҥээр улуустарга сүүстэн тахса маҕаһыыны бэрэбиэркэлээтилэр. Ол түмүгэр, 1500 устуука балык кэнсиэрбэтин атыыттан уһуллулар. Бу дьаһаллар ис дьыала уорганнарын үлэһиттэрэ кыттыылаах ыытыллаллар.
Уус Алдаҥҥа «Сайра» кэнсиэрбэттэн сүһүрбүт дьон от ыйын 21 күнүгэр Кэптэни с. «Успех» маҕаһыынтан атыыласпыттар. Маҕаһыын бородууктаны харайар усулуобуйатыгар туох да быраабыланы кэһии тахсыбатах. Кинилэр балык кэнсиэрбэтин Мэҥэ Хаҥалас улууһун «Умид» маҕаһыыныттан атыыласпыттара билиннэ.
Роспотребнадзор управлениета маннык суруктаах кэнсиэрбэни атыыласпаккытыгар сүбэлиир:
«Сайра натуральная с добавлением масла «балтийская» с датой изготовления от 16.05.2018, произведенная в ООО «Производственная компания пищевик» Россия 196084 г. Санкт-Петербург, Лиговский проспект, д.289, лит. А».
Надежда ЕГОРОВА, «Саха сирэ» хаһыат, edersaas.ru