close
Сайыҥҥы кэмҥэ оскуола оҕото 22 000 солк. тиийэ хамнастаныан сөп...
Бу - интэриэһинэй - Кыһа - Олох-дьаһах - Экэниэмикэ

Сайыҥҥы кэмҥэ оскуола оҕото 22 000 солк. тиийэ хамнастаныан сөп

СӨ Нэһилиэнньэ дьарыктаах буолуутугар судаарыстыбаннай кэмитиэт бэрэссэдээтэлэ Степан Москвитин бүгүн от ыйын 12 күнүгэр СӨ Бырабыыталыстыбатын мунньаҕар уһук хоту нэһилиэнньэ төрүт дьарыга умнуллубакка көлүөнэттэн көлүөнэҕэ бэриллэн иһиэхтээҕэр болҕомтону уурда.

edersaas.ru

«Таба иитиитинэн дьарыктанар хаһаайыстыбаларга субсидия бэриллэрэ бигэргэтиллэн, сайыҥҥы сынньалаҥ кэмигэр 14-18 саастаах оскуола оҕолоро ыстаадаҕа үлэлииллэрэ төлөнүөхтээх. 14 муниципальнай оройуон ахсааныгар Алдан, Нерюнгри, Кэбээйи эмиэ киирдилэр. Таба көрүүтүнэн дьарыктанар улуус оҕолоро төһөнү үлэлээбиттэринэн көрөн хамнастаныахтара, ортотунан ыйга 12-22 000 солк. ылыахтара, итиниэхэ оройуоннааҕы эбилик ааҕыллыаҕа. 16 саастарыгар диэри оҕолор күҥҥэ 4,8 чаас үлэлииллэрэ көҥүллэнэр», — диэн эттэ кини.

Быйыл 6000 тахса оҕо сайыҥҥы кэмҥэ үлэлиэҕэ. Табанан дьарыктаммат улуустарга илин эҥээргэ, Бүлүү бөлөххө оҕолорго сөптөөх хамнас 8000 солк. үөһэ эмиэ төлөнүөҕэ.

Маннык тэрээһин оҕо куһаҕан дьаллыкка убамматын туһугар, үлэни, төрүт дьарыгы өрө тутан улаатарыгар сүрүн олук буолар.

Марианна Тыртыкова, «Саха сирэ», edersaas.ru

 

#бүгүн: 1
0
0

Сайт матырыйаалларын ааптар көҥүлэ суох ылар бобуллар.


Notice: Undefined index: comment_notes_before in /var/www/edersaas/wp-includes/comment-template.php on line 2334

двенадцать − 6 =