close
Саха тыйаатыра 113-с сезонун саҕалыыр
Култуура - Олох-дьаһах

Саха тыйаатыра 113-с сезонун саҕалыыр

П.А.Ойуунускай аатынан Саха академическай тыйаатыра бүгүн 113-с сезонун арыйар. Быйылгы сезон П.А.Ойуунускай төрөөбүтэ 125 сылыгар ананар.

edersaas.ru

Ол курдук, бүгүн, алтынньы 17 күнүгэр Луиджи Пиранделло пьесатынан,бэрт интэриэһинэй “Хайа аарымалара” диэн испэктээк бастакы туруоруута (премьера). Испэктээк 18 ч. саҕаланар.

Онтон алтынньы 18 күнүгэр Шекспир “Гамлет” трагедиятынан саҥалыы тыыннаммыт “Мин доҕорум Гамлет” испэктээги көрөөччү дьүүлүгэр таһаарыахтара. Саҕаланыыта: 18 чаастан.

Чингиз Айтматов «Пегий пес, бегущий краем моря» айымньытынан уонунан сыллар тухары көрөөччү кутун туппут, билигин даҕаны улаханнык биһирэнэр “Хаарыан хампа күөх кытылым” испэктээккэ ыҥыраллар. Испэктээк алтынньы 19 күнүгэр, киэһэ 18 чаастан саҕаланар.

Нуучча улуу классига Николай Гоголь өлбөт тыыннаах айымньытынан туруоруллубут “Ревизорун” алтынньы 20 күнүгэр, киэһэ 17 чаастан көрүөххүтүн сөп.

Н.Е.Мординов-Амма Аччыгыйа “Сааскы кэм” романынан туруоруллубут испэктээги саха куттаах дьоно барыта сэҥээрэр. Манна даҕатан эттэххэ,  испэктээккэ тыйаатыр артыыстара бары оонньууллар. Саха АССР үтүөлээх диэйэтэлэ, режиссер Василий Фомин төрөөбүтэ 80 сылыгар ананар. Испэктээги алтынньы 21 күнүгэр көрүөххүтүн сөп. Саҕаланыыта 17 чаастан.

ССРС норуодунай учуутала, Саха сиригэр, буолаары буолан, тыа сиригэр физика-математика оскуолатын төрүттээбит Михаил Андреевич Алексеев судургута суох олоҕун көрдөрөр В.Е.Васильев-Харысхал пьесатынан туруоруллубут “Учуутал” испэктээк алтынньы 26 күнүгэр турар. Саҕаланыыта 18 чаастан.

Драматург Д.Ф.Наумов 70 сааһыгар ананар, көрөөччү дьүүлүгэр эмиэ бастакытын тахсар “Өрөспүүбүлүкэ” испэктээк алтынньы 27 күнүгэр, киэһэ 17 чаастан буолуоҕа. Итини сэргэ,  драматург саха чулуу уола, биллиилээх судаарыстыбаннай диэйэтэл Исидор Барахов олоҕун туһунан суруйбут айымньытынан “Бүгүн эбэтэр хаһан да…” испэктээги алтынньы 28 күнүгэр көрдөрөллөр. Саҕаланыыта киэһэ 17 чаастан.

Испэктээктэр бары нууччалыы синхроннай тылбаастаахтар. Билиэти күн аайы 10:00 — 18:00 чааска диэри тыйаатыр кассатыгар атыылыыллар.

Эрдэттэн 34-13-31, 34-27-55, 34-33-26 нүөмэрдэринэн төлөпүөннээн үлэһиэххитин эбэтэр sakhatheatre.ru  онлайн-атыылаһыаххытын сөп.

 

“Саха сирэ” хаһыат, edersaas.ru

 

#бүгүн: 1
2
0

Сайт матырыйаалларын ааптар көҥүлэ суох ылар бобуллар.

Мин санаам:

1 × четыре =