Бэҕэһээ Үөһээ Бүлүү дьокутааттара ыам ыйын 22 күнүн улууска Салгын күнүнэн биллэрэр туһунан быһаарыы ылыннылар.
Александр Тарасов, «Саха сирэ» хаһыат, https://edersaas.ru
Спиридон Борбуев, Үөһээ Бүлүү улууһун баһылыгын солбуйааччы:
— Айылҕаҕа биир улахан суолталаах кыһалҕалаах боппуруоһунан уу, салгын буолаллар. Балар бэйэ-бэйэлэрин кытта ыкса ситимнээхтэр. Ол курдук, уу, салгын ыраас буоллахтарына, тыынар тыыннаах, үүнээйи, от-мас — барыта чөл туруктаах буолар. Аны маны кытта дьон доруобуйатын туруга ыкса сибээстээх. Ыам ыйын 22 күнэ — Ньукуолун күнэ. Саха дьонугар сайыммыт саҕаланан, от-мас көҕөрөр, салгыммыт тупсар, айылҕа уһуктар. Онон дьокутааттар саамай сөптөөх быһаарыныыны ылыннылар. Үөһээ бүлүүлэр Экология сылыгар дьоһуннаах хамсааһыны оҥордубут.
Александр Тарасов, «Саха сирэ», https://edersaas.ru