Сардаана Трофимова: «Манчаары оонньууларыгар сүүрүөҕүм”

Ааптар: 
Бөлөххө киир:

Норуоттар икки ардыларынааҕы кылаастаах спорт маастара, Үөһээ Бүлүү быһыйа  Сардаана Трофимова дойду марафоҥҥа чөмпүйэнээтигэр төрдүс буолла. Быйылгы күрэс кыайыылаахтарынан Степан Киселев (2:14:36) уонна Наталья Старкова (2:30:45) буоллулар.

Роман Попов, “Саха сирэ” хаһыат, https://edersaas.ru

 Арассыыйа чөмпүйэнээтэ ыам ыйын 7 күнүгэр Волгоград куоракка ыытылынна. Уһунньуттар отуттан тахса кыраадыс итиигэ аспаал суол устун сүүрдүлэр, онон буолуо, бириэмэлэрэ сэмэй соҕус. Холобура, Сардаана 42 биэрэстэ 195 миэтэрэни 2 чаас 31 мүнүүтэ 32 сөкүүндэнэн кэллэ, былырыыҥҥы Франкфурт марафонунааҕы көрдөрүүтүгэр сэттэ мүнүүтэнэн тиийбэтэ.

Ол эрээри Сардаана санаата бөҕөх. Тренерэ Татьяна Жиркованы кытта 2 чаас 32 мүнүүтэнэн кэлэргэ суоттаммыттарын, онон былааммытын толордубут диэтэ. Марафон курдук ыарахан көрүҥҥэ үрдүк сыалы ситиһэргэ тиэтэйэр сатамматын, кырата өссө түөрт сыл сүүрэр былааннааҕын эттэ.

От ыйыгар Үөһээ Бүлүүгэ буолар Манчаары оонньууларыгар төрөөбүт Үөһээ Бүлүүтүн аатыттан 3 уонна 5 биэрэстэҕэ сүүрүүгэ кыттар баҕалааҕын иһитиннэрдэ.

Роман Попов, “Саха сирэ” хаһыат, https://edersaas.ru

+1
0
+1
0
+1
0
+1
0
+1
0
+1
0
+1
0