“Кросс Наций” Бүтүн Арассыыйатааҕы сүүрүү күнэ дойду улахан куораттарыгар 2004 сыллаахтан ыытыллар. Бу тэрээһиҥҥэ Дьокуускай олохтоохторо сылын аайы көхтөөхтүк кытталлар.
edersaas.ru
Быйылгы тэрээһиҥҥэ стартар “Юность” стадионтан уонна “Чолбон” бассейн таһыттан бэриллиэхтэрэ. Тэрийээччилэр маассабай сүүрүүгэ эдэриттэн эмэнигэр тиийэ 9 тыһыынча кэриҥэ киһи кыттыаҕын сабаҕалыыллар. Оскуола үөрэнээччилэрэ, устудьуоннар, улахан дьоннор саастарынан хас да бөлөххө наарданан куоталаһыахтара.
Улахан дьон “Юность” стадионтан Ойуунускай, Октябрьскай уулуссаларынан “Туймаада” стадиоҥҥа кэлиэхтэрэ. Оҕолор “Чолбон” бассейнтан Поярков, Октябрьскай уулуссаларынан “Туймаада” стадиоҥҥа диэри сүүрүөхтэрэ.
Роман Попов, edersaas.ru
Хаартыска Интэриниэттэн ылылынна.