Сарсын, ыам ыйын 5 күнүгэр, Саха сиригэр аан бастаан ыраах ыырдаах суоппардар (дальнобойщиктар) I сийиэстэрэ Дьокуускайга уу көлөтүн институтугар ыытыллыаҕа.
Александр ТАРАСОВ, «Саха сирэ» хаһыат, edersaas.ru
Тэрээһиҥҥэ СӨ бырабыыталыстыбатын 1-кы солбуйааччы Алексей Колодезников, СӨ тырааныспар уонна суол хаһаайыстыбатын миниистирэ Семен Винокуров, Ил Түмэн судаарыстыбаннай мунньаҕын бэрэссэдээтэлин солбуйааччы Виктор Губарев, СӨ ИДьМ ГИБДД начаалынньыга Самсон Чупров кыттыахтара.
Сийиэс үлэтин кэмигэр «Контрольно-надзорная деятельность в сфере автомобильного транспорта» (модератор Семен Винокуров, тырааныспар уонна суол хаһаайыстыбатын миниистирэ) уонна «Взамодействие и работа Торгово-промышленной палаты с представителями малого и среднего бизнеса» (модератор И.Полятинская, СӨ атыыга-эргиэҥҥэ, промышленноска палататын вице-президенэ) диэн тиэмэлэргэ «төгүрүк остуоллар» ыытыллыахтара.
Сийиэс түмүгэр сүрүн дакылааттартан киирбит этиилэртэн Саха сирин ыраах айаҥҥа сылдьар суоппардарын уопсай резолюциялара ылыллыаҕа.
Александр ТАРАСОВ, «Саха сирэ» хаһыат, edersaas.ru