close
Сартаҥнар кырдьаҕастарга, бэтэрээннэргэ муус ылан биэрдилэр...
Олох-дьаһах - Саха ыала - Тыа сирэ

Сартаҥнар кырдьаҕастарга, бэтэрээннэргэ муус ылан биэрдилэр

Сэргэ төбөтө сэтириччи тоҥор сэтинньи тымныытыттан иҥнибэккэ, биир өрөбүл күҥҥэ сарсыарда эрдэттэн Сартаҥ эбэ кытылыгар сымнаҕас олбохтоох, омук мааны массыынатыттан саҕалаан, таһаҕас таһар бырысыаптаах “Бөлөрүүс” тыраахтарыгар тиийэ араас мааркалаах тимир көлөлөр кэлэн, кэккэлии турунан истилэр.

edersaas.ru

Өр-өтөр буолбата иһийэн турбут күөл иһэ сытыы анньыы чабырҕас, “Дружба” эрбии бирилэс тыастарынан итиэннэ дьон бэйэ-бэйэтин көҕүтүһэр көхтөөх саҥатынан-иҥэтинэн туола түстэ. Нэһилиэк тэрилтэлэрин үлэһиттэрэ олохтоох дьаһалта баһылыга Наталья Слепцова көҕүлээһинэн, кырдьаҕастарга уонна бэтэрээннэргэ муус ылан биэриитигэр субуотунньуктара бу курдук саҕаланна.

Ол эрээри “субуотунньук” диэн ити алҕас этэн кэбистибит, дьиҥинэн күрэхтэһии. Нэһилиэк эр дьоно барыта алта хамаандаҕа арахсан, хамаанда бэриллиэҕиттэн бүтэһик сөкүүндэ хаалыар диэри, ыҥырыа уйатын тоҕо тардан кэбиспит курдук, тиритэ-хорута үлэлээтилэр. Бары да бэркэ үлэлээтилэр, ол гынан баран, күрэхтэһии аата күрэхтэһии буоллаҕа – кыайыылаах быһаарыллыахтаах.

Түмүккэ саамай элбэх мууһу ылан, ОДьКХ салаатын уонна “Кустук” оҕо киинин үлэһиттэриттэн туруоруллубут хамаанда кыайыы өрөгөйүн биллэ! Иккис миэстэни дьаһалта уонна Култуура киинин үлэһиттэрин хамаандата ылла, үһүс бириистээх миэстэҕэ дизелинэн үлэлиир ыстаансыйа уонна балыыһа хамаандата тигистэ. Тэрилтэлэр кэрэ аҥаардара хамаандарыгар “ыарыйдылар” итиэннэ дьиэлэригэр ас астаан аҕалан, үлэһиттэрин тотоойу эбиэтинэн күндүлээтилэр.

Итии чэйдээх, сылаас астаах омурҕан

Ылыллыбыт муус анаммыт дьонугар (кырдьаҕастарга уонна бэтэрээннэргэ) тута тиэрдилиннэ, ордуга барыта оскуолаҕа бэрилиннэ. Көхтөөх үлэ дьону түмэрин, эдэр ыччаты кырдьаҕастары кытары ситимниирин, дьону-сэргэни биир сомоҕо оҥорорун таба өйдөөн, өтөрүнэн буола илик дьоһун тэрээһини тэрийэн, нэһилиэгин дьонугар улахан үөрүүнү бэлэхтээбитин иһин баһылыкпытыгар, Наталья Владимировнаҕа, махталбыт муҥура суох.

Дьааҥы Сартаҥыттан Галина Стручкова, “Саха сирэ” хаһыат, edersaas.ru. сайтыгар анаан

 

 

 

3
0

Сайт матырыйаалларын ааптар көҥүлэ суох ылар бобуллар.


Notice: Undefined index: comment_notes_before in /var/www/edersaas/wp-includes/comment-template.php on line 2334

шестнадцать − 14 =

INSTAGRAM ЛИЭНТЭТЭ

Instagram батыһан бар