Бу туһунан суол быраабылатын кинигэтигэр 4-с, 5-с бастарыгар сурулла сылдьар.
Вера МАКАРОВА, «Саха сирэ» хаһыат, https://edersaas.ru/
Бу туһунан суол быраабылатын кинигэтигэр 4-с, 5-с бастарыгар сурулла сылдьар.
- Сатыы киһи тротуар устун эбэтэр киһи хаамарыгар анаммыт сиринэн эрэ сылдьыахтаах. Ол суох буоллаҕына, суол кытыытынан, тиэхиньикэ утары буолар гына хаамыахтаах.
- Хараҥа кэмҥэ массыына уотун тэйитэрдээх таҥаһы кэтии ирдэнэр. Бу чуолаан, оскуола оҕолоругар олус туһалаах.
- Элбэх буолан айан суолун кытыытынан хаамар буоллахха, айан массыыналарын хоту хаамыллыахтаах.
- Суолу туоруох иннинэ хайаан да хаҥас, уҥа көрөн, айаннаан иһэр массыына төһө түргэнин, куттала суох туоруохха сөп эбит диэн эрэллээх эрэ буоллахха, туоруур көҥүллэнэр.
- Суолу туоруурга анамматах сиринэн итиэннэ массыына инниттэн-кэнниттэн эмискэ тахсан кэлэн туорааһын булгуччу бобуллар.
- Оптуобус дуу, такси дуу кэтэһэр дьон анал оҥоһуулаах, суолтан үрдэтиллибит анал сиргэ эбэтэр тротуар эрэ үрдүгэр туран күүтүөхтээхтэр. Ол суох буоллаҕына, оптуобус, такси кэлэн тохтообутун эрэ, кэннэ чугаһаан киириэхтэрин сөп.
Аны айанньыттар эбээһинэстэрин санаттахха:
- Хас биирдии киһи айанныах иннинэ курун үчүгэйдик бэйэтигэр сөп түбэһиннэрэн, аллара өттө киһи тааһын уҥуоҕунан, үөһэ өттө саннын кытыытынан ааһар гына үчүгэйдик бааныахтаах.
- Айан кэмигэр суоппары аралдьытыа, массыына аанын аһыа суохтаах. Ити олус судургу, сүрүн ирдэбиллэри тутустахха, туох да мөккүөрэ суох быстах быһылаан лаппа аҕыйыа этэ.
ГИБДД управлениетын пропагандаҕа отдела.
Хаартыска: интернет.
+1
+1
+1
+1
+1
+1
+1