Сэтинньи 30 күнэ – Хомус күнэ

Ааптар: 
Бөлөххө киир:

Сэтинньи 30 күнэ – Хомус күнэ. Бу күн 2011 сылтан Ил Дархан Егор Борисов уурааҕынан бэлиэтэнэр.  Быйылгы Хомус күнүн декадата сэтинньи 17 күнүттэн истээччини ааспыт кэмҥэ көтүтэн илдьэр ураты тэрээһинтэн саҕаламмыта.

edersaas.ru

Эксперт санаата

Ааспыт сылларга холоотоххо, быйылгы Хомус күнүн бырагыраамата киэҥ. Итиэннэ былырыыҥҥыттан ыла Саха сирин тас өттүттэн, омук сирдэриттэн ыалдьыттар кэлэн кытталлар. Быйыл да ити үгэспититтэн туораабаппыт. Ол курдук, Башкортостантан дэлэгээссийэ кэлэрэ күүтүллэр. Кинилэр кэккэлэригэр 1991 сыллаахха аан дойду виртуоз-кубызиһа аатын сүкпүт Роберт Загретдинов, кини кыыһа Айслу Загретдинова,  2011 сыллаахха виртуоз-кубызист буолбут Миндигафур Зайнетдинов уонна биллиилээх “Караван” бөлөх кыттыахтара”, –  диэн Хомус түмэлин тэрийэр салаатын салайааччыта Эркин Алексеев иһитиннэрдэ.

Хомус күнүн бырагыраамата

7 ч 00 мүн  –  “Саха” НКИХ “Саҥа күн” аһаҕас биэриитигэр Хомус күнүнэн эҕэрдэ, көрөөччүлэри кытта бииргэ хомус тардыыта.

10 ч 00 мүн – “Сказание о хомусе” кинигэ сүрэхтэниитэ (Хомус туһунан түөрт омук тылынан суруллубут оҕолорго аналлаах остуоруйалар). Буолар сирэ: Хомус түмэлэ.

16 ч 00 мүн – Хомус быыстапка-дьаарбаҥката, оһуокай тэриллиэҕэ. Буолар сирэ: Д.К.Сивцев-Суорун Омоллоон аатынан Опера уонна балет судаарыстыбаннай тыйаатыра.

18 ч 00 мүн – Хомус күнүгэр аналлаах улахан кэнсиэр. Буолар сирэ: Д.К.Сивцев-Суорун Омоллоон аатынан Опера уонна балет судаарыстыбаннай тыйаатыра.

Людмила ПОПОВА, “Саха сирэ” хаһыат, edersaas.ru

+1
0
+1
0
+1
0
+1
0
+1
0
+1
0
+1
0