close
podpiska

САХАЛЫЫ ГОРОСКОП (Сэтинньи 12-18 күннэрэ)
· - Олох-дьаһах

САХАЛЫЫ ГОРОСКОП (Сэтинньи 12-18 күннэрэ)

Хой. Нэдиэлэ бастакы аҥаара судургута суохтук ааһыаҕа. Урут умнубут кыһалҕаларгыт күөрэйэн кэлэн, дьыалаларгытыгар мэһэйдэһиэхтэрин сөп. Ону быһаарарга тулуурдаах уонна санааҕыт күүстээх буолуон наада. Саарбахтыыр санааларгытын киэр илгиҥ.

 

 

Оҕус. Саҥа нэдиэлэ саҥа кыахтары аҕалыаҕа, санаабыккыт сатанан иһиэҕэ. Иллэҥ кэмҥитигэр дьиэҕитин-уоккутун өрө тардыҥ, кыра өрөмүөн да оҥоруоххутун сөп. Үлэҕитигэр туруоруммут сыаллары барытын ситиһиэххит, үп-харчы элбиэҕэ.

 

 

Игирэлэр. Кыһалыннаххытына тус олоххут уонна дьыалаларгыт тупсуохтара. Күүс-уох, кыах киирбитин тута билиэххит, айар-тутар дьоҕургут сайдыаҕа. Нэдиэлэни быһа үөрэ-көтө сылдьыаххыт диэн сулустар билгэлииллэр.

 

 

Араак. Бу нэдиэлэҕэ элбэҕи түбүгүрүөххүт, үлэлиэххит. Сыраҕытын уурбуккут сыаналаныаҕа. Баҕар, нэдиэлэ бүтүүтэ ханна эмит айанныаххыт. Бу сырыыга бэйэҕитин атын өттүттэн арыйыаххыт. Соҕотох “араактар” сүрэхтэрин аҥаардарын көрсүөхтэрин сөп.

 

 

Хахай. Хахай бэлиэлээхтэри уустук нэдиэлэ күүтэр. Бииртэн-биир кыһалҕалар, туорайдар тахса туруохтара. Бу түбэлтэлэргэ кими да кытта айдаарса, этиһэ сатаамаҥ. Приоритеттары сөпкө туруоруна үөрэниҥ, оччоҕуна барыта орун-оннугар түһүөҕэ.

 

 

Кыыс. Бэнидиэнньиккэ былааннаабыккыт барыта олоххо киириэҕэ диэн сулустар билгэлииллэр. Нэдиэлэ иккис аҥаарыгар соһуччу үөрүүлэр күүтэллэр. Үлэҕитигэр, үөрэххитигэр салалта туох диирин утарылаһымаҥ. Нэдиэлэ устата кыра-кыралаан харчы киирэ туруоҕа. Бу үбү сынньалаҥҥа барааҥ.

 

 

Ыйааһын. Уруккуттан эрэйдээбит кыһалҕалары түргэнник быһаарарга кыах бэриллиэҕэ. Үлэҕитигэр улахан уларыйыы эбэтэр хамнас үрдээһинэ күүтэр. Оптуорунньукка өр былааннаабыккыт туолуоҕа. Доруобуйаҕытын көрүнүҥ. Саҥа таҥас-сап атыылаһарга тоҕоостоох кэм үүммүт.

 

 

Скорпион. Сэниэ, күүс эбиллиэҕэ. Тус олоххутугар уларыйыылары киллэрэртэн аккаастанымаҥ, куттанымаҥ. Спордунан дьарыктанар дьон сэрэниҥ, эккитин-сииҥҥитин эчэтиэххитин сөп. Нэдиэлэ иккис аҥаарыгар харчыгытын туохха барыыргытын былааннаныҥ, сөпкө аттарыныаххыт.

 

 

Охчут. Үүммүт нэдиэлэ түһүүлээх-тахсыылаах буолуоҕа. Онуоха майгыгытын-сигилигитин, тылгытын-өскүтүн көрүнэ сылдьыҥ. Иллэҥ кэмҥитигэр кыһалҕаларгытын быһаарарга тиэтэйиҥ. Маны барытын сөпкө аттарынаргытыгар сөптөөх толкуйдар кэлиэхтэрэ.

 

 

Чубуку. Ханнык да кыһалҕалар, куһаҕан санаалаах дьон эһиги күүстээх санааҕытын алдьатар, онно мэһэйдэһэр кыахтара суох. Хорсун санааҕытын киллэрэн, эрэллээхтик иннигит диэки хардыылааҥ. Сайдыы аана арыллыбыт. Нэдиэлэ иккис аҥаарыгар харчыгытын халтайга барыаххытын сөп, онон бүддьүөккүтүн толкуйдаан туттуҥ.

 

 

Күрүлгэн. Бу нэдиэлэҕэ эһигини үгүс мүччүргэннээх сырыылар күүтэллэр. Үлэҕитигэр, дьиэ кэргэҥҥитигэр, тус олоххутугар барыта этэҥҥэ. Кыра кыһалҕаларга кыһаллымаҥ, ньиэрбэҕитин бараамаҥ. Өрөбүллэри доҕотторгутун кытта атаарарга кыһаллыҥ.

 

 

Балыктар. Сыраҕыт, турууласпыккыт олоххутугар үтүө түмүктэри аҕалыаҕа. Онон, төһө кыалларынан үлэлээҥ, сайдыҥ. Талааннаргытын, дьоҕургутун сайыннарыҥ, дьоҥҥо көрдөрүҥ. Аймахтаргытын, доҕотторгутун кытта чугас буолуҥ, кинилэр туһалаах сүбэлэри биэриэхтэрэ.

edersaas.ru

 

#бүгүн: 1
2
0

Сайт матырыйаалларын ааптар көҥүлэ суох ылар бобуллар.

Мин санаам:

семь + 4 =