close
Шашлык үтэр, күөрчэх ытыйар бырааһынньык
Олох-дьаһах

Шашлык үтэр, күөрчэх ытыйар бырааһынньык

Былырыын Саха сирин бастакы промышленнай тэрилтэлэриттэн биирдэстэрэ Ю.А. Гагарин аатынан типография 155 сыллаах үбүлүөйүн бэлиэтээбитэ.

Елена ПОТОЦКАЯ, «Саха сирэ» хаһыат, edersaas.ru


Полиграфист идэлээх дьон өр кэмтэн туруорсар туруорсууларын 2013 сыллаахха профсойуустар өйөөн, бу бырааһынньык муус устар 19 күнүгэр бэлиэтэнэр буолбута. Бу бэлиэ чыыһыла Арассыыйаҕа бастакы «Апостол» диэн кинигэ бэчээттэнэн тахсыытын кытта ыкса сибээстээх.  Кинигэни сылы быһа оҥорбуттар — 1563 сыл муус устар 19 күнүттэн   1564 сыл кулун тутар 1-кы күнүгэр диэри. XVI үйэ ортотугар Иван Грознай бастакы типографияны тутарга соруйбут. Бу кэмтэн ыла Арассыыйаҕа бэчээт кыһатын историята саҕаланар.

Саха сирин полиграфистара саҥа бырааһынньыгы былырыыҥҥыттан ыла киэҥник бэлиэтиир буолбуттара. Быйыл типографияҕа бэчээттэнэн тахсар бэчээт уорганнара кыттыылаах улахан бырааһынньыгы полиграфистар анаан бэлиэтээтилэр. Онон хаһыатчыттар өссө биир сааскы бырааһынньыгы полиграфистары кытта бэлиэтээһиннэрэ быйылгыттан ыла үгэскэ кубулуйуоҕа. Полиграфистары сибээс уонна информационнай технология миниистирэ Александр Борисов уонна эппиэттээх салайааччылар эҕэрдэлээтилэр.

«Сахамедиа»РИИХ» салайааччыта Кирилл Алексеев уонна кини солбуйааччыта Афанасий Ноев эҕэрдэ бастыҥын этэн туран,бүгүн «Якутия» хаһыат 100 сыллаах үбүлүөйүн бэлиэтииринэн эҕэрдэлээн туран, соторутааҕыта архыыптан булуллубут хаһыат знамятыгар анал маһы кэтэрдии үөрүүлээх сиэрин-туомун ыыттылар.

Бырааһынньык үөрүүлээх тэрээһинин кэнниттэн «Шашлык үтүүтэ» уонна «Күөрчэх ытыйыыта» куонкурустар саҕаланнылар.

«Саха сирэ» хаһыат эрэдээксийэтин чиэһин эрэдээктэри солбуйааччы Прокопий Бубякин, хаһыат бэтэрээнэ Зинаида Семенова,  эрэдээксийэ эдэр үлэһиттэрэ Стас Иевлев уонна Афанасий Ноев көмүскээтилэр. Кинилэр аттыларыттан «Сахамедиа» РИИХ профсойууһун бэрэссэдээтэлэ Александр Тарасов көх-нэм буолан арахсыбата. Онон профсойуустаах дьон эрэх-турах сананан кииристилэр.

Быйыл бастакы сылын биллэриллибит «Күөрчэх ытыйыыта» уонна «Шашлык үтүүтэ» куонкурустарга кытаанах киирсии буолла. Ол курдук, биһиги: «Бастаатыбыт ээ!» дии турдахпытына, «Мин бүттүм!» — диэн хаһыытаан, «Эхо столицы» хаһыат суруналыыһа Евдокия Федорова бастаан таҕыста.

«Саха сирэ» Прокопий Бубякина иккис миэстэ буолла.

«Кыым» хаһыаттан «күөрчэххэ» Владимир Степанов эмиэ ох курдук оҥостон кэлэн кытынна.

 Дьүүллүүр сүбэ күөрчэхпит уонна шашлыкпыт амтанын бэйэбит хайҕаабыппытынааҕар өссө ордук сөбүлээн туран хайҕаата!  Прокопий Бубякин дьүүллүүр сүбэ чилиэнигэр күөрчэх ытыйыытыгар маастар-кылаас биэрэн ылла. Оттон шашлыкпытын кымыска хоннорон үтүү ньыматын туһаммыппытын истэн, дьүүллүүр сүбэ биир мөккүөр тыла суох 1-кы миэстэни «Саха сиригэр» биэрдэ.

Күөрчэх уонна шашлык күрэхтэригэр миэстэлэһэн, «Саха сирэ» хаһыат суруналыыстара балаакканан уонна «Көмүлүөк» фирма чорооннорунан наҕараадаланнылар.

Онон Зинаида Семенова уонна Прокопий Бубякин эрэдээксийэ историятын өссө биир кыайыынан байыттылар!

Ити курдук, Саха сирин полиграфистара идэлээх бырааһынньыктарын бэйэлэрин доҕотторун кытта олус бэртээхэйдик бэлиэтээтилэр. Бырааһынньыкка сылдьыбыт бары салайааччылар, типография үлэһиттэрэ уонна суруналыыстар олус үөрэн, астынан тарҕастыбыт.

Елена ПОТОЦКАЯ, «Саха сирэ» хаһыат, edersaas.ru

Ааптар хаартыскаҕа түһэриитэ.

2
1

Сайт матырыйаалларын ааптар көҥүлэ суох ылар бобуллар.
Facebook
Facebook
Instagram
GOOGLE
http://edersaas.ru/shashlyk-ter-k-rcheh-ytyjar-byraa-ynnyk/
  1. 1 санаа

    IM

    Дьэ, астык суруйуу-бичийии!
    Киьи силин быьа ыйыстыах!
    Ааптар туруорбут ыйытактарын туруорсарга!

    22.04.2017

  2. Ааҕааччым, махтал, матырыйаалбын астыктык сыаналаабыккар! Арай туох ыйытыктарын туруорбуппун өйдөөбөтүм…

    22.04.2017

Санааҕын хааллар

INSTAGRAM ЛЕНТАТА

Instagram батыһан бар