close
Сибээс үлэһиттэрин идэлээх сойууһа 100 сыллаах үбүлүөйүн бэлиэтээтэ....
Олох-дьаһах

Сибээс үлэһиттэрин идэлээх сойууһа 100 сыллаах үбүлүөйүн бэлиэтээтэ.

Ахсынньы 4 күнүгэр П.И. Дудкин аатынан энергетика уонна сибээс колледжыгар Саха Өрөспүүбүлүкэтигэр сибээс идэлээх сойууһа төрүттэммитэ 100 сыллаах үбүлүөйүн бэлиэтээтилэр. Тэрээһиҥҥэ  СӨ сибээс уонна информационнай технология миниистирэ Александр Борисов, СӨ идэлээх сойуустар бэдэрээссийэлэрин бэрэссэдээтэлэ Николай Дегтярев, сибээс тэрилтэлэрин салайааччылара уонна бэтэрээннэрэ, идэлээх сойуус актыыптара кыттыыны ыллылар.

edersaas.ru

Сибээс идэлээх сойууһа 1917 сыллаахха кулун тутарга төрүттэммит, Дьокускайдааҕы почта-телеграф хонтуоратын үлэһиттэрин мунньаҕар идэлээх сойууһу тэрийиэххэ диэн быһаарыыны ылыммыттара. Бу 100 сыл тухары идэлээх сойуус үлэһиттэр интэриэстэрин уонна бырааптарын көмүскээн кэллэ.

Сибээс үлэһиттэрин идэлээх сойууһун аатыттан сойуус бэрэссэдээтэлэ Галина Беленко эҕэрдэ тылы эттэ. Идэлээх сойуус үлэһиттэр интэриэстэрин уонна бырааптарын көмүскүүр сыала-соруга уларыйбатын туһунан бэлиэтээн эттэ. СӨ сибээс үлэһиттэрин идэлээх сойууһа чилиэнин ахсаанынан Уһук Илиҥҥэ  бастыҥнара буолар, тэрилтэлэр салайааччылара идэлээх сойуус чилиэннэрэ.

Сибээс уонна информационнай технология миниистирэ Александр Борисов эҕэрдэ тылыгар, сибээс үлэһиттэрин иннигэр билиҥҥи кэмҥэ ханнык сыаллар-соруктар туралларын туһунан кэпсээтэ,  сибээс тэрилтэлэрэ цифровой экономика инфраструктурата оҥоһулларыгар сүрүн тирэх буолалларын бэлиэтээтэ. Миниистир идэлээх сойуус үлэһиттэри сомоҕолуур, түмэр сүрүн оруоллун бэлиэтээтэ.

Өрөспүүбүлүкэ идэлээх сойуустарын федерациятын бэрэссэдээтэлэ Николай Дегтярев: “Идэлээх сойуус корпоративнай өйү-санааны, куту бөҕөргөтөр суолталаах, сибээс үлэһиттэрэ креатив уонна инновация өттүгэр бастыҥнар буолаллар. Идэлээх сойуус рескома үлэһиттэр инэриэстэрин уонна бырааптарын көмүскүүр үчүгэй үлэтин бэлиэтээтэ.

Үтүөлээх ыалдьыттар актыбыыстарга уонна бэтэрээннэргэ наҕараада туттардылар, онтон үлэ кэллэктииптэрэ биэчэри музыкальнай нүөмэрдэринэн киэргэттилэр.

Афанасий НОЕВ, edersaas.ru

0
0

Сайт матырыйаалларын ааптар көҥүлэ суох ылар бобуллар.


Notice: Undefined index: comment_notes_before in /var/www/edersaas/wp-includes/comment-template.php on line 2334

10 + 20 =

INSTAGRAM ЛИЭНТЭТЭ

Instagram батыһан бар