«Аэрофлот» АХ чэпчэки сыаналаах билиэттэрин барытын атыылаан, Москваҕа диэри билигин тарыып 24 – 42 тыһ. солк. быһыллан турар. Оттон «Якутия» АХ бу күннэргэ сорох хайысхаларынан чэпчэки сыаналаах авиа-билиэттэри атыыга таһаарда.
Ол курдук:
- Дьокуускай – Красноярскай – 5500 солкуобай;
- Нерюнгри – Новосибирскай – 6000 солкуобай;
- Нерюнгри – Симферополь – 8000 солкуобай;
- Анадырь – Хабаровскай – 6000 солкуобайынан быһыллыбыт.
Бу этиллибит хайысхаларынан Boeing 737 уонна Sukhoi Superjet 100 суудуналар көтөллөр. Чэпчэтиилээх билиэттэринэн бэс ыйын 15 күнүттэн саҕалаан, алтынньы 31 күнүгэр диэри туһаныахха сөп.
Чэпчэтиинэн 23 саастарын туола илик эдэр дьон, 60 саастарыттан үөһээ саастаах дьон, 55 саастарын туолбут дьахталлар, бастакы группалаах инбэлииттэр, инбэлиит-оҕону арыаллыыр дьон туһаналлар.
Анивера АКИМОВА, «Саха сирэ» хаһыат, edersaas.ru
Хаартыска: интэриниэттэн.
+1
+1
+1
+1
+1
+1
+1