close
Эдэр урбаанньыттар маастар-кылаастары ыыттылар
Олох-дьаһах

Эдэр урбаанньыттар маастар-кылаастары ыыттылар

«Хотугу синергия» форум чэрчитинэн биллэр кроссфитер Григорий Мочкин уонна үҥкүүһүт Лилия Соловьева маастар-кылаастары ыыттылар. Григорийдаах Лилия ааспыт сыллардааҕы форум граннарын хаһаайыннарынан буоллаллар.

Номнуо ситиһиилэээхтик үлэлии турар бырайыактаах Григорий Мочкин форум кыттыылаахтарыгар бэйэ дьыалатын хайдах арыммытын, кроссфитынан хайдах дьарыктанан саҕалаабытын кэпсээтэ:

—  «СахаСелигер» форумҥа 2012, 2013, 2015 сылларга кыттыбытым. Грант сүүйэммин олоххо киллэрбитим. 2013 сыллаахха Мосвкаҕа тренергэ үөрэммитим, сахалартан бастакынан кроссфит-тренер буолар сертификаты ылбытым.  Билигин кроссфит кулууптаахпын, дьону дьарыктыыбын. Биллэр спортсменнар, урбаанньыттар, бэлиитиктэр кроссфитынан сөбүлээн эрчиллэллэр. Былырыын «Хотугу синергияҕа» сарсыардааҥҥы сэрээккэни ыыппытым, быйыл номнуо маастар-кылаас биэрдим.

Оттон Лилия Соловьева «Дива» диэн ис үҥкүүтүн оскуолатын үлэлэппитэ хас даҕаны сыл буолла:

— Былырыын бу форум «Эн—урбаанньыккын» хайысхатыгар кыттыбытым. «Сынньанар устуудьуйа-этно-киин» бырайыагы көмүскээн олоххо киллэрбитим. Форумтан олус элбэх саҥаны билбитим, интэриэһинэй дьону кытта билсибитим, үгүс доҕоттордоммутум. Эдэр дьон төһө кыалларынан маннык форумҥа кыттан, сайдан, бэйэлэрин кыахтарын холонон көрөллөрүгэр баҕарабын.

Айтана Аммосова, edersaas.ru

 

#бүгүн: 1
0
0

Сайт матырыйаалларын ааптар көҥүлэ суох ылар бобуллар.


Notice: Undefined index: comment_notes_before in /var/www/edersaas/wp-includes/comment-template.php on line 2334

4 × один =