Бу күннэргэ Македония Скопье куоратыгар “Македонский бисер” диэн көҥүл тустууга норуоттар икки ардыларынааҕы турнир түмүктэннэ. Онно Болгария, Арассыыйа, Белоруссия, Албания, Сербия, Косово, Катар, Кипр, Словакия уонна Македония бөҕөстөрө күүстэрин холостулар.
Бу түһүлгэҕэ саха тустууга оскуолатын икки иитиллээччитэ – Эдуард Григорьев уонна Константин Власов – кыайыы көтөллөннүлэр.
Өрөспүүбүлүкэ чөмпүйүөнэ, норуоттар икки ардыларынааҕы турнирдар призердара Эдуард Григорьев 65 киилэҕэ диэри ыйааһыҥҥа бастаан үс олохтоох тустуугу илиилээх-атахтаах оҥорбото, түмүк хапсыһыыга Кипр бөҕөһүн кыайда.
70 киилэлээхтэргэ өрөспүүбүлүкэ үс төгүллээх чөмпүйүөнэ Константин Власов үстэ тустан эмиэ пьедестал үрдүкү үктэлин дабайда.
Роман ПОПОВ, “Саха сирэ” хаһыат, edersaas.ru
+1
+1
+1
+1
+1
+1
+1