Бүгүн Ил Дархан Айсен Николаев бырабыыталыстыба састаабыгар саҥа ыйаахтары таһаарда. Георгий Балакшин оннугар спорт миниистиринэн Иннокентий Григорьев ананна.
Физическэй култуура уонна спорт миниистиринэн Иннокентий Григорьев ананна. Иннокентий Юрьевич бу иннинэ бэһис ыҥырыылаах Ил Түмэн дьокутаата этэ. 2007 сылтан Баһылай Манчаары аатынан спорт национальнай көрүҥнэрин өрөспүүбүлүкэтээҕи киинигэр дириэктэрдиир.
Ыспыраапка:
1959 с. ахсынньы 31 күнүгэр Бүлүү улууһун Үгүлээт нэһилиэгэр төрөөбүтэ;
1988 с. СГУ бүтэрбитэ;
1988-1992 сс. – Өлүөхүмэтээҕи техникум физическэй култуураҕа преподавателэ;
1990-1992 сс. – Өлүөхүмэ дьаһалтатыгар физическэй култуура уонна спорт кэмитиэтин бэрэссэдээтэлэ;
1992-1993 сс. – спорт миниистирин солбуйааччы;
1993-1995 сс. – “Сахаада-спорт” ассоциациятын дириэктэрэ;
1995-1997 сс – Үөрэх министиэристибэтин физкультурнай-спортивнай холбоһугун генеральнай дириэктэрин солбуйааччы;
1997-1999 сс. – Оҕо олимпийскай резервэтин спортивнай оскуолатын дириэктэрэ;
1999-2002 сс. – Үөрэх министиэристибэтин управлениетын начальнига;
2002-2009 сс. – СГУ Физическэй култуура уонна спорт институтун кафедратын доцена;
2007 с. – Баһылай Манчаары аатынан спорт национальнай көрүҥнэрин өрөспүүбүлүкэтээҕи киинин дириэктэрэ.
Аграфена КУЗЬМИНА, “Саха сирэ” хаһыат.