Ааспыт өрөбүлгэ Кэбээйи улууһун Мастаах нэһилиэгэр бэйэтин олоҕун биэрэн туран ууга түспүт оҕону быһаабыт Алексей Никифоровка анаан пааматынньык туруордулар.
edersaas.ru
Ити быһылаан 2015 сыл сайыныгар буолбута. Ол күн Алексей доҕотторун кытта сөтүөлүү сылдьан тимирэн эрэр оҕону көрөннөр быыһыы ыстаммыттар. Күүстээх сүүрүк оҕону илдьэ баран истэҕинэ уолаттар ситэн кэлэннэр кытыыга таһаарбыттара. Ол эрээри Алексей сүүрүккэ оҕустаран, кыайан биэрэккэ тахсыбатаҕа…
2015 сыллаахха дьоруойу өлбүтүн кэнниттэн «Спешите делать добро» диэн мэтээлинэн наҕараадалаабыттара. Бу маннык мэтээлинэн Уһук Илин эрэгийиэҥҥэ Алексей Никифоровка эрэ туттарыллыбыта.
Алексей чаҕылхай ыччат, элбэх ситиһиилээх спортсмен, юрист идэлээх этэ. Кини аата үйэлэргэ умнуллубат.
Николай Попов, «Саха сирэ» хаһыат, edersaas.ru