Степан Контоев: “Төрөппүттэр – биһиги тирэхпит”

Ааптар: 
Бөлөххө киир:

Хатаска, иллэрээ күн оҕолор ортолоругар “Туймаада эрэллэрэ” диэн хайыһар сезонун түмүктүүр күрэхтэһии ыытылынна. Манна 80-ча оҕо илин-кэлин түһүстэ. Бу күрэхтэһии, үгэс быһыытынан, үһүс сылын ыытыллар. Кыттааччы сылын аайы элбээн иһэрэ киһини үөрдэр.

Петр ПАВЛОВ, “Саха сирэ” хаһыат, www.edersaas.ru

Күрэхтэһии, тренер Степан Степанович Контоев көҕүлээһининэн, Хатас спорка оскуолатын тэрийиитинэн ыытылынна. Бу күрэхтэһиигэ хайыһар секциятыгар сылдьар оҕолор төрөппүттэрэ кыайыылаахтарга уонна миэстэлэспиттэргэ анаан сыаналаах бириистэри туруорбуттара кэрэхсэбиллээх түгэнинэн буолла. Саастарынан бөлөх аайы үс бастакы миэстэлэри ылбыттар бары бириискэ тигистилэр. Ону тэҥэ, хайыһар сезонун түмүгүнэн бастыҥ көрдөрүүлээх хайыһардьыт оҕолор сертификат тутан үөрдүлэр-көттүлэр. Оттон тренер Степан Степанович Контоевка булду сөбүлүүр диэн, төрөппүттэр “Охотник” маҕаһыынтан сертификат туттардылар.

Уопсайынан, С.С.Контоев тренердээх Хатас хайыһардьыттара  араас күрэхтэһиигэ кыттыыларыгар барытыгар төрөппүттэр күүс-көмө, өйөбүл буолалларыттан, тренер сүрдээҕин астынар. Хатаска хайыһары биһирииллэрин иһин, Степан Степанович оскуола кэлэктиибигэр уонна дириэктэргэ махтала муҥура суох. Быйылгы да күрэхтэһии сүрдээх тэрээһиннээхтик ыытыллан, оҕолор уонна төрөппүттэр тэрийээччилэргэ уонна тренергэ махтал тылларын анаатылар.

Мин эрчийэр оҕолорум төрөппүттэригэр махтанабын, — диир Степан Контоев. – Кинилэр көмөлөрүнэн, быйыл хаһааҥҥытааҕар даҕаны үчүгэйдик үлэлээтибит. Элбэх күрэхтэһиилэргэ, анал эрчиллэр түмсүүлэргэ сырыттыбыт. Хатаска бэйэбитигэр хайыһарга үчүгэй трассалаахпыт. Онно, бэл, өрөспүүбүлүкэ бастыҥ бэтэрээн хайыһардьыттара  кэлэн дьарыктаналлар, — диэн кэпсиир, чахчы бэйэтин үлэтиттэн дуоһууйуну ылар, хас биирдии иитиллээччитигэр аҕалыы кыһамньылаахтык сыһыаннаһар тренер.

Кини, дьиҥнээх чөл олох көрүҥүнэн – хайыһарынан дьарыктанар киһи – сүрэхтээх, ыарахаттартан толлубат, айылҕалыын алтыһар, эт-хаан, өй-санаа өттүнэн хатарыллар диэн бигэ санаалаах. Кырдьык да, хайыһар бу – ыраас хаар, сибиэһэй салгын, чэбдик санаа…

Хатас хайыһардьыттара хаар барда да, дьарык бүттэ диэбэттэр, билигин күөлгэ хайыһардыыллар. Сайынын Алдаҥҥа спортивнай лааҕырга барарга былааннаналлар.

Күрэхтэһии кыайыылаахтара уонна призердара

2006 с. диэри төрөөбүттэргэ

1. Романов Антон (Горнай), 2. Гоголев Арсен (Улахан Аан), Гаврильев Харысхан (Хатас).

1. Михайлова Айыы Куо (Хатас), 2. Лоднева Таня, Алексеева Альберта

2005 с. төрөөбүттэр

1. Федоров Ваня (ДЮСШ-5), 2. Архипов Вася (Улахан Аан), 3. Воробьев Денис (Уулаах Аан).

1. Владимирова Мичияна (Улахан Аан), Яковлева Ира (Хаҥалас), Бурцева Алина (Хатас).

2004 с. төрөөбүттэр

1.Санников Никита (ДЮСШ-5), 2. Иванов Витя (Хатас), Кириллин Петя (Хатас).

1. Трофимова Нюргуяна (Улахан Аан), 2. Божедонова Алина (Хатас), 3. Петрова Саргылана (ДЮСШ-5).

2003 с. төрөөбүттэр

1.Неусторев Айаал (Нам), 2. Алексеев Ганя (Нам), 3. Баишев Руслан (Хатас).

1.Максимова Жанна (Горнай), 2. Маркова Наташа (ДЮСШ-5), 3. Мордосова Левана (Хатас).

2002 с. төрөөбүттэр

1.Едухина Ира (Хатас).

  1. Игнатьев Иван (ДЮСШ-5), 2. Керегяев Олег (Хатас).

2001 с. төрөөбүттэр

1.Мохначевскай Вася (Чурапчы), Сивцев Павел (Хатас), 3. Сивцев Вася (Хатас).

1.Кузьмина Александра (ДЮСШ-5), 2. Борисова Люсава (ДЮСШ-5).

1999-2000 сс. төрөөбүттэр

1.Гоголев Егор (Хатас), 2. Данилов Максим (Хатас), 3. Семич Никита (21-с оскуола).

1.Петрова Аина (Хатас), 2. Новгородова Наташа (Нам), 3. Олейникова Настя (Хатас).

Петр ПАВЛОВ, “Саха сирэ” хаһыат, www.edersaas.ru

 

+1
0
+1
0
+1
0
+1
0
+1
0
+1
0
+1
0