Тохсунньу 1 күнүттэн үлэлээбэт биэнсийэлээхтэр страховой биэнсийэлэрэ 3,7% үрдээтэ. Ол эбэтэр, индексация кэнниттэн уларыйбат чааһа 4 тыһ. 982 солк. тэҥнэстэ.
Биэнсийэ баала 81,49 солкуобайга диэри үрдээтэ (былырыын 78,58 солк. этэ). Онон кырдьар сааһынан тахсыбыт страховой биэнсийэ кээмэйэ ортотунан 14075 солк. буолла.
Быйылгыттан биэнсийэ сылга биирдэ эрэ үрдүөҕэ. Урут сылга иккитэ үрдүүр этэ (тохсунньуга уонна муус устарга).
2016 сылтан үлэлиир биэнсийэлээхтэр биэнсийэлэрэ индексацияламмат буолбута, ол эрээри үлэттэн уурайдахтарына, салгыы үрдээн барара. Быйылгыттан үлэлии сылдьыбыт кэмнэригэр үрдээбит сууманы толуйар (компенсация) буоллулар.
Биэнсийэ пуондата иһитиннэрбитинэн, тохсунньуга биэнсийэни түҥэтии кыраапыгар уларыйыы суох. Почта каассаларыгар тохсунньу 5 күнүттэн түҥэтэн барыахтара. Тохсунньу 7 күнэ – бары тэрилтэлэргэ бырааһынньыктааҕы өрөбүл күн.
Ангелина Васильева, “Саха сирэ” хаһыат, edersaas.ru