СУҺАЛ: Оҕо күүтэр ийэни олохтоох хампаанньа бөртөлүөтэ өрүһүйдэ

Бөлөххө киир:

Бэҕэһээ Өймөкөөн улууһун Томторуттан 150 км ыраах сытар табаһыттар ыстаадаларыгар оҕо күүтэр ийэ ыалдьан, уопуттаах медиктэр көмөлөрө наада буолбут. edersaas.ru

Фельдшер уонна ыал аҕата суһал көмө сулууспатыгар эппиттэригэр, быыһааччылар бөртөлүөттэрэ атын сиргэ үлэлии сылдьар буолан биэрбит.
Өймөкөөҥҥө ыксаллаах түгэн үөскээтэҕинэ, атын хампаанньа өҥөтүн туһаныы баар. Бу ыксаллаах кэмҥэ улууска көмүһү хостуурунан дьарыктанар «Хаҥалас» ХЭУо салалтатыттан көрдөспүттэригэр, быһа гыммакка, БО-105 бөртөлүөт уопуттаах пилота Александр Серый көтөн тиийэн, оҕо күүтэр ийэни уонна аҕаларын Уус Ньара бөһүөлэгэр аҕалбыт.
«Хаҥалас» хампаанньа ыраах сытар нэһилиэктэргэ ыксаллаах балаһыанньа үөскээтэҕинэ, көмөҕө бөртөлүөттэрин куруук ыытар эбит. Ол курдук, тыаҕа дьон сүттэҕинэ, суһал медицинскэй көмөҕө хайаан да көтөр аалларын көтүтэллэр.
Биллэрин курдук, ыксаллаах быһыы-майгы сэрэппэккэ буолар. Бу түгэҥҥэ улууска баар хампаанньалар туох кыалларынан көмөлөһөллөрө махталлаах дьыала. Бу хоту сир ураты тулхадыйбат сокуона диэтэхпитинэ, арааһа, сыыспаппыт буолуо.

Александр Тарасов, «Саха сирэ» хаһыат, edersaas.ru

+1
0
+1
0
+1
0
+1
0
+1
0
+1
0
+1
0