Бу сылтан Уһук Илин куораттарыгар уонна Симферопольга, Калининградка көтөр субсидиялаах билиэттэри төгүрүк сыл атыылыахтара. Маннык чэпчэтиинэн элбэх оҕолоох ыаллар эмиэ туһанар кыахтаныахтара.
edersaas.ru
Чэпчэтиллибит билиэттэринэн билигин кулун тутар 1 күнүттэн ахсынньы 1 күнүгэр диэри көтүөххэ сөп. Оттон Росавиация туруорсуутунан, тохсунньу 1 күнүттэн ахсынньы 31 күнүгэр диэри нэһилиэнньэ чэпчэтиигэ хапсар араҥата субсидиялаах билиэтинэн көтөр буолуо. Маннык дьаһал сэтинньигэ илии баттанара күүтүллэр.
Онон, биэнсийэлээх дьон уонна 23 саастарыгар диэри эдэр ыччат, элбэх оҕолоох дьиэ кэргэн Саҥа Дьылга аҕыйах тыһыынчаҕа хайа талбыт куораттарыгар күүлэйдии барыахтарын син.
Бу дьаһалы толорорго эбии 300 мөл. солк. көрүлүннэ. РФ Бырабыыталыстыбата эбии 100 мөл. солк. биэриэҕэ, оччотугар сыл түмүктэниэр диэри 40 тыһ. билиэт атыыга киириэҕэ.
Чэпчэтиллибит сыаналаах билиэттэринэн уопсайа 12 авиахампаанньа көтүө.
Марианна Тыртыкова, «Саха сирэ», edersaas.ru