Сунтаар баһылыктара хомустаан соһуттулар (ВИДЕО)

Бөлөххө киир:

Бу күннэргэ Сунтаарга ааспыт сылы түмүктүүр тэрээһин ыытылынна. Онно улуус баһылыга А.В. Григорьев уонна нэһилиэк баһылыктара хомустаан көрөөччүлэри соһуттулар.

edersaas.ru

Былырыын, иллэрээ сыл Сунтаартан төрүттээхтэр көрсүһүүлэригэр баһылыктар хоһоон да аахпыттара, ыллаабыттара да.

— Сунтаар улууһун баһылыктара биир дойдулаахтарыгар  холобур буолан сыл аайы саҥаттан саҥа арыйыыларынан сөхтөрөллөр. Иллэрээ сыл төрөөбүт дойдуларын хоһоонунан киэргэппиттэрэ, былырыын ыллаабыттара, аны быйыл хомус тардан дуораһаттылар. Сунтаар улууһун култууратын салалтата «Хас биирдии баһылык дьонугар үтүө холобуру бириэхтээх, ол да иһин сайдыы төрүөтэ киниттэн саҕаланар», — диэн санаанан салайтаран нүөмэри бэлэмниир. Ааспыт ыһыахха «Саха төрүт таҥаһа» күрэххэ хас биирдии баһылык дьиэ кэргэнинээн толору төрүт сахалыы таҥнан бар дьонун үөрдүбүтэ.
Бас-көс дьоммутугар тыыл буолар дьон кэргэннэрэ, улууспут бастыҥ кэккэҕэ сылдьар далбар хотуннара. Кинилэр кэргэттэрин кытта бииргэ сиэттиһэ сылдьан, кинилэри өйөөн куруутун бииргэ сылдьаллара олуһун үөрдэр. Бу да сырыыга хомус кэмигэр түһүлгэ ыалдьыттарыгар кымыһынан, алаадьынан айах тутан күндүлээтилэр.
Дьэ, ити курдук Сунтаар олоҥхо дойдутун кулубата, кинээстэрэ бииргэ түмсэн саха фольклоругар, төрүт култуура сайдарыгар төһүү күүс буолаллар!«- диэн улуустааҕы култуура салаатын начаалынньыга  Мария КОБЕЛЬЯНОВА — ТУСКУЛААНА кэпсээтэ.

Анивера Акимова, edersaas.ru

+1
0
+1
0
+1
0
+1
0
+1
0
+1
0
+1
0