Сунтаар баһылыктара ыллаан ньиргиттилэр

Ааптар: 
Бөлөххө киир:

Тохсунньу 21 күнүгэр Дьокуускай куоракка Циркэ дьиэтигэр Сунтаар улууһуттан төрүттээх дьон
«Дьоллоох сулус анныгар» диэн тэрээһиҥҥэ муһуннулар.

Анивера Акимова, https://edersaas.ru/

Үөрүүлээх тэрээһин «Дойдубут дьылҕатын түстэһиэх» диэн Норуот көҕүлээһинин сылыгар анаммыт гимнынан саҕаланна. Улуус баһылыга Анатолий Григорьев, улуус дьокутааттарын мунньаҕын бэрэссэдээтэлэ М.Максимов, улуус баһылыгын социальнай уонна имидж бэлиитикэтигэр солбуйааччы У.Попова уонна нэһилиэк бары баһылыктара ыллаатылар. Санатан эттэххэ, былырыыҥҥы тэрээһиҥҥэ нэһилиэк баһылыктара хоһоон ааҕан соһуппуттара.
Сунтаардар үтүө түһүлгэлэригэр улуус баһылыга Анатолий ГРИГОРЬЕВ мустубут дьону үүммүт дьылынан эҕэрдэлээтэ.

Тэрээһин туһунан «Эдэр саас» сайтка Сунтаардааҕы култуура управлениетын начаалынньыга Мария Кобельянова маннык кэпсээтэ:
— Улуус баһылыга муниципальнай сулууспа бэтэрээннэригэр Иннокентий Герасимов — Добуҥҥа, Александр Мироновка анал бэлиэлэри туттартаата. Маны таһынан, бастыҥ суруналыыстарга, спортсменнарга, ыччаттарга наҕараада суруктары, анал бириэмийэлэри туттартаата.
Норуот көҕүлээһинин сылыгар бастыҥ ааты ылбыт спорт бэтэрээнэ Иван Архипов биэнсийэтиттэн анал бириэмийэни үс спортсмеҥҥа туттартаата.

Анивера Акимова, https://edersaas.ru/

+1
0
+1
0
+1
0
+1
0
+1
0
+1
0
+1
0