Сунтаар ыһыаҕын көрсө улуус, тэрилтэ салайааччылара «Олоҥхо оһуора» бөлөҕүнэн «Хатан Эрбийэ бухатыыр» олоҥхону туруоран көрөөччүлэри соһуттулар. edersaas.ru
Улуустааҕы култуура салаатын салайааччыта Мария Кобельянованы кытары сибээскэ тахса сылдьыбыппар:
«Ыһыаҕы көрсө улуус олохтоохторугар салайааччылар олоҥхо туруоран, ураты бэлэҕи ууннулар. Өрөспүүбүлүкэҕэ, улууска биллэр олоҥхоһут Н.П Тимофеев улахан күүс-көмө буолла. Туруорууга
Сбербаан Сунтаардаҕы салаатын урукку салайааччыта Егор Тимофеев, Хонтуруоллуур-учуоттуур палаата бэрэссэдээтэлэ
Ксения Семенова, Эппиэкэ уонна попечительство салаатын начаалынньыга Оксана Еремеева, Үөрэҕирии салаатын салайааччыта Гаврил Еремеев, улуустааҕы балыыһа кылаабынай бырааһа Светлана Иванова, «Урожай» уопсастыба бэрэссэдээтэлэ Дмитрий Спиридонов уонна мин, итиэннэ кылаабынай буҕаалтырым Наталия Эконова буолан кытынныбыт«, — диэн кэпсээтэ.
Бу кыһын Дьокуускай куоракка Циркэ дьиэтигэр Сунтаар улууһуттан төрүттээх дьон
«Дьоллоох сулус анныгар» тэрээһиннэригэр Сунтаар салайааччылара ыллаан ньиргиппиттэрэ. Онон сунтаардар дэгиттэр талааннаах салайааччылардаахтар!
Анивера Акимова,»Саха сирэ» хаһыат, edersaas.ru