close
Сунтаар ыһыаҕа!
Олох-дьаһах - Түһүлгэ

Сунтаар ыһыаҕа!

Үлэ киһитин уруйдуур Сунтаар уйгулаах ыһыаҕар ыраахтан-чугастан ытык-мааны ыалдьыттар кэлэн,
«Ытык түһүлгэлэр» аан дойдутааҕы билим кэмпириэнсийэтигэр кытыннылар.

Үлэ түмүгүнэн, ыһыах ытык күнүн шедевр быһыытынан ылыналларыгар хардыылар оҥоһулуннулар. Сунтаарга түһүлгэ сөргүтүллүүтүн, саҥардыллыытын уонна бэс ыйын 21-22 күннэригэр Сунтаар ыһыаҕын күннэрин тэрийэр туһунан бигэргэттилэр.


Ыһыах кэмигэр бастыҥ «Алтан сэргэ» туруоруллан, бу сэргэттэн бар дьоммут ыһыах алгыһа уонна күн күүһэ түһэрин ылыныахтара! Ыһыах аһыллыытыгар үлэ дьоно уруйданнылар. «Оһуор үҥкүүтэ» туруоруллубута 60 сыллаах үбүлүөйүгэр Сибиэрэп ансаамбылын кыттыылаахтара тэҥҥэ үҥкүүлээтилэр.

Саҥа алгысчыт Егор Тимофеев, саҥа анал битииһиттэриниин алгыһы анаатылар, Дьөһөгөй маанылаах симэхтэрэ түһүлгэни киэргэттилэр.
«Уйгу чороон оһуора» күрэх кыайыылааҕынан мас ууһа Иннокентий Иванов, «Дьөһөгөй маанылаах симэҕэ» өрөспүүбүлүкэтээҕи күрэх кыайыылааҕынан «Табыс» түөлбэ, «Саргылаах салама» кыайыылааҕынан кутаналар буоллулар.


Оһуокайга саҥа этээччилэр, оҕо этээччилэр түһүлгэни төрүттээтилэр. Далбар этээччи Людмила Пустолякова,  Дархан этээччи Дьокуускайтан Амбросьев  ЖКС тэрилтэ спонсордаан (сал.И.Р.Яковлев), 50000-ны туттулар.
Кэмпириэнсийэ кэмигэр «Олоҥхо күрэҕэ» Олоҥхо дьиэтигэр тэриллэн, хаһааҥҥытааҕар да элбэх дьону түмтэ.

Бу тэрээһиҥҥэ  «Хатан Эрбийэ Бухатыыр» олоҥхону толордулар (сал. Н.П.Тимофеев).
Өбүгэ оонньууларыгар кыайыылааҕынан Михаил Слюсарь тахсан, Манчаары оонньууларыгар барар чиэскэ тигистэ.
Ангелина Файрушина төрөөбүтэ 50 сылыгар аналлаах «Кыыс тойуга» күрэххэ кыргыттара Иреналаах Розалина  туруорбут ЖК тэлэбиисэр бэлэхтэрин  Аэрона Сымытова тутан үөрдэ-көттө.
«Саха таҥаһын саргыта» күрэххэ Светлана Петрова бэйэтинэн кэлэн сыаналаан, «Сунтаар ситимэ» бастаан, 30000 солк. бирииһи туттулар.
Бу күн Сунтаар «Далбар Хотунунан» Альбина Прокопьева ааттанан, «Уран саха» илин кэбиһэринэн наҕараадаланна.

Түгэнинэн туһанан, култуура эйгэтин үлэһиттэригэр, Үөрэҕирии салалтатыгар, нэһилиэк дьаһалтатыгар, «Татыйыына», «Алсу» тэрилтэлэргэ, алгысчыттарга, битииһиттэргэ уонна ыһыахпыт спонсордарыгар махталбытын тириэрдиэ этибит.

Сунтаар култууратын салалтата.

0
0

Сайт матырыйаалларын ааптар көҥүлэ суох ылар бобуллар.


Notice: Undefined index: comment_notes_before in /var/www/edersaas/wp-includes/comment-template.php on line 2334

восемь + пятнадцать =

INSTAGRAM ЛИЭНТЭТЭ

Instagram батыһан бар