Сунтаардар английскайдыы ыллыыллар

Бөлөххө киир:

Соторутааҕыта «Бартыhаан» Култуура киинигэр английскай тылынан улуустааҕы ырыа куонкуруһа буолла.

Күрэхтэһиигэ 80 кыттааччы бэйэтин ыллыыр дьоҕурун көрдөрдө. Куонкурус сүрүн сыала—английскай тылы чиҥэтэн үөрэтэргэ көҕүлээһин уонна бэйэ талаанын арыйыы.

Куонкурус түмүгүнэн Кылаан кыайыылааҕынан Күүкэйтэн «Айтыына» кыргыттар бөлөхтөрө буолан, 4 тыһыынча солкуобай харчынан наҕараадаланнылар.

Ырыа куонкуруһа үс бөлөҕүнэн ыытылынна. Ол курдук, 10-14 саастаах оҕолорго лауреаттарынан буоллулар: I истиэпэннээх лауреат — Соня Николаева (лицей), II — Тупсууна Иванова (СНОШ), III — Карина Николаева (Аллыҥа).

Бөлөхтөргө лауреаттар: I — «Күнчээн» ансаамбыл (СНОШ), II — лицей 5 «б» кылааһа, III — трио (СОШ 3).

15-18 саастаахтарга: I истиэпэннээх лауреат — Сунтаар гимназиятын «Хатыҥчаана» бөлөҕө, II — Джульетта Герасимова (Күүкэй), III — лицей 10 «а» кылааһын бөлөҕө. Улахан дьоҥҥо I истиэпэннээх лауреат аатын Мария Алексеева ылла, II — Алексей Иванов.

Куонкуруһу Сунтаардааҕы лицей английскай тылын учуутала Сардаана Никитина тэрийдэ.

Мария Кобельянова-Тускулаана.

+1
0
+1
0
+1
0
+1
0
+1
0
+1
0
+1
0