“Сунтаарга сүөһүлэр өрүскэ уулаан баран морбойбуттарын”, онуоха “Мирнэйгэ тахсыбыт саахал кэнниттэн сүлүһүннээх уу Бүлүү өрүскэ сүүрүгүрдэн киирэ сытара буруйдааҕын” туһунан сураҕы батсаабынан тарҕаттылар. Бу сонун төһө оруннааҕын билээри Сунтаар улууһунааҕы тыа хаһаайыстыбатын управлениетын салайааччыта Иван Тихоновка эрийэн, кэпсэтэ сырыттыбыт.
“Бу сурах батсаап ситиминэн субуотаттан быһа “сүүрэ сылдьар”, – диэтэ Иван Викторович. – Биһиги, управление үлэһиттэрэ, сигнал киирээтин кытта тута бэтэринээрийэ управлениетын исписэлиистэрин кытта сүүрбүппүт. Хас биирдии учаастагынан бэрэбиэркэлээбиппит. Ол түмүгэр биһиги улууспутугар ханна даҕаны сүөһү көнньүнэн өлбөтөҕө чуолкайданна. Биһиэхэ өрүспүт турбута ыраатта уонна итинник хара эриэн сүөһүбүт суох, биһиэнэ барыта – кыһыл эриэн симментал боруода. Быйыл күһүн Роспотребнадзор өрүс уутун анаалыстаан баран, туох да дьиэги булбатаҕа. Онон ити сымыйа сураҕы итэҕэйимэҥ.”
Василий НИКИФОРОВ, edersaas.ru
Хаартыска: батсааптан.