Бүгүн Сунтаар сэлиэнньэтигэр 240 миэстэлээх оҕо уһуйаанын дьиэтэ арылынна. Бу туһунан «Эдэр саас» сайтка улуус баһылыгын көмөлөһөөччүтэ Тимур Иванов кэпсээтэ.
«Эдэр саас» сайт.
Улуус киинигэр 25 миэстэлээх 5-с нүөмэрдээх «Ньургуһун» оҕо саада 1964 сыллаахха аһыллыбыта. Ол сылтан силис-мутук тардан тыһыынчанан оҕону иитэн-үөрэтэн таһаарда. Тэрилтэ үлэһиттэрэ этэллэринэн, күн бүгүн улуус историятыгар аан маҥнайгынан төрөөбүт тылы, култуураны иҥэрэн, саха, нуучча, атын омук тылынан иитэр-үөрэтэр үлэни хааччыйар өрөспүүбүлүкэ таһымнаах экспериментальнай бырагырааманан толору үлэлиир кыахтанна.
2015 сыллаахха өрөспүүбүлүкэ бастыҥ оҕо саадынан ааттаммыттара.
Оҕо саада бүгүн 86 үлэһиттээх улахан тэрилтэҕэ кубулуйда.
240 миэстэлээх саҥа таас уһуйаан аһыллыытын үөрүүлээх тэрээһинигэр улуус баһылыга Анатолий Григорьев, Сунтаар сэлиэнньэтин баһылыга Эдуард Филиппов, уһуйаан бэтэрээннэрэ кытыннылар.
Баһылык Анатолий Васильевич сүүрүүтүнэн-көтүүтүнэн, туруорсуутунан саҥа таас дьиэ судаарыстыба уонна чааһынайдар кыттыгас механизмнарын тутуһан тутулунна.
Анивера Акимова, «Саха сирэ» хаһыат, «Эдэр саас» сайт