«Арассыыйа буостатын» бары салааларыгар пааспара суох электроннай илии баттааһын көмөтүнэн суруктары уонна баһыылкалары ылар кыахтаныахпыт. Буоста саайтыгар киирэн, регистрацияланан, электроннай илии баттааһыҥҥын туруордаххына, кумааҕы докумуоннары аны толотторуохтара суоҕа.
edersaas.ru
Операторга тиийэн араспаанньаҕын, ааккын, итиэннэ сурук, эбэтэр баһыылка ыыппыт киһи тус нүөмэрин этэҕин, оччоҕуна буоста үлэһитэ баазаттан тута булан ылар. Саҥа быраабыла төлөбүрэ суох ыытыылары хабар.
Сурук, эбэтэр баһыылка ыларгар суотабай төлөпүөҥҥэр кэлбит код нүөмэрин этиэхтээххин. Буоста мобильнай сыһыарыытыттан хас биирдии сурук, баһыылка тутар киһиэхэ SMS нүөмэр кэлиэхтээх. Саҥа технология көмөтүнэн суруктары, баһыылкалары биэрии биэс төгүл түргэтиэ диэн тэрилтэ пресс-сулууспата иһитиннэрэр.
Марианна ТЫРТЫКОВА, «Саха сирэ» хаһыат, edersaas.ru
+1
+1
+1
+1
+1
+1
+1