Суруналыыс Вера Макарова саҥа ситиһиитэ

Бөлөххө киир:

Халандаарга кулун тутар бастакы күнэ, ол эрээри ааспыт сыл түмүктэринэн сонуннар билигин да кэлэ тураллар. Оттон ол сонун үөрүүлээх уонна тустаахтарга ыкса сыһыаннаах буоллаҕына – үөрүүтэ хас да бүк үрдүк уонна суолталаах!

Татьяна МАРКОВА,  https://edersaas.ru

Биһиги, “Саха сирэ” хаһыат эрэдээксийэтин кэлэктиибэ, бүгүн бэртээхэй үчүгэй сонуну туттубут. Эрэдээксийэбит биир саамай тутаах суруналыыһа, суут-сокуон тиэмэлэригэр утумнаахтык суруйар аналлаах кэрэспэдьиэммит Вера Ивановна Макарова – Бэрээдэк Биэрэ 2016 сыл түмүктэринэн өссө биир саҥа ситиһиилэннэ!

РФ Накаастабылы толорор федеральнай сулууспатын Саха сиринээҕи управлениета (начаалынньык — ис сулууспа полковнига Владислав Дзюба) сылын аайы суруналыыстарга “На страже порядка” диэн куонкуруһу ыытар. Манна холуобунай-исполнительнай систиэмэ олоҕун, үлэһиттэрин, кыһалҕалаах боппуруостарын сырдатар суруналыыстар кытталлар.

Ол курдук, 2016 сыл түмүктэринэн бу куонкурус кыайыылаахтарынан буоллулар:

Сонуннары киэҥник тарҕатар сахалыы бэчээккэ – биһиги коллегабыт Вера Макарова. Кини, биллэрин курдук, 20-чэ сыл суут-сокуон, буруйу оҥоруу тиэмэтигэр суруйар.

Нууччалыы тыллаах хаһыаттарга – Евдокия Федорова (“Эхо столицы”) , интернет-сайтарга – Ольга Сергеева (“SakhaNews”), тэлэбиидэнньэҕэ – Роза Борисова ( “Саха” НКИХ).

“Саха сирэ” хаһыат эрэдээксийэтин кэлэктиибэ биир идэлээхпитин, доҕорбутун, дьүөгэбитин Вера Макарованы ситиһиитинэн, сыралаах үлэтэ сыаналаммытынан ис-сүрэхпититтэн эҕэрдэлиибит уонна киниэхэ саҥаттан-саҥа кыайыылары баҕарабыт!

Татьяна МАРКОВА,  https://edersaas.ru

+1
0
+1
0
+1
0
+1
0
+1
0
+1
0
+1
0