“Саха ыччатын – тыа сиригэр” илиинэн үлэ күрэхтэһиитигэр ыҥырабыт

Бөлөххө киир:

Быйылгы күрэхтэһии Саха сиригэр Ыччат сылыгар уонна Арассыыйаҕа Экология сылыгар ананан, атырдьах ыйын 4-6 күннэригэр Хаҥалас улууһун Нөмүгү сэлиэнньэтигэр ыытыллыаҕа.

Тэрээһин “Эдэр саас” хаһыат уонна Саха сиринээҕи тыа сирин сойууһа, Ыччат дьыалаларын уонна дьиэ кэргэн политикатын министиэристибэтин, тыа сирин хаһаайыстыбатын министиэристибэтин, “Анаабыр алмаастара” АХ, Хаҥалас улууһун уонна Нөмүгү сэлиэнньэтин нэһилиэгин дьаһалталарын өйөбүллэринэн ыытыллыаҕа.

“Саха ыччатын – тыа сиригэр” бырайыак урукку сылларга “От-шоу” диэн биллэрэ. Кэлин тэрийээччилэр күрэхтэһиини кэҥэтэннэр, усулуобуйатын, аатын уларыппыттара. Онон быйылгы “СЫТС” бэһис төгүлүн ыытыллар.

“СЫТС” сыалынан ыччаты тыа сиригэр илиинэн үлэҕэ угуйуу, саха норуотун култууратын, төрүт үгэһин, үлэтин сыаналааһын буолар.

18-35 саастаах ыччат кыттар. Хамаандалары СӨ оройуоннарын ыччата эбэтэр ыччат түмсүүлэрэ туруораллар. Хамаандаҕа 8 киһи киирэр: 5 уол, 2 кыыс, 1 асчыт, хаһаайыстыбаны бэрийээччи.

Күрэхтэһии түһүмэхтэрэ:

  • “От-шоу” оту мунньуу, субуулааһын, бугул, кэбиһии туруоруу;
  • “Үүт-шоу” ынах ыаһын;
  • “Солуур-шоу” кутаа оттуу, уу оргутуу.

Түмүк таһаарыыга хамаандалар үлэлэрин түргэнэ уонна хаачыстыбата учуоттанар. От үлэтэ – 10 баалынан, ынах ыаһын, уу оргутуу – 5 баалынан сыаналанар.

Кыайыылааҕынан бары түһүмэххэ элбэх баалы хомуйбут хамаанда буолар. Бириистээх миэстэлэри таһынан маннык анал ааттар иҥэриллиэхтэрэ: “Бастыҥ кыдамаһыт”, “Бастыҥ бугулдьут”, “Бастыҥ мунньааччы” (кыргыттарга), “Бастыҥ түсчүт”, “Бастыҥ ыанньыксыт”.

Сайаапкалары от ыйын 28 күнүгэр диэри тутабыт. Аадырыспыт: Дьокуускай куорат, Орджоникидзе уулуссата, 31 №-дээх дьиэ, 236, 232 кабинеттар. Билсэр төлөпүөҥҥут: 8-914-287-66-42, 8-967-913-98-87, e-mail: edersaas@mail.ru.[vc_video link=»https://youtu.be/t5F6fLcia6s» title=»СЫТС-2016 Амма, Абаҕа»]

+1
0
+1
0
+1
0
+1
0
+1
0
+1
0
+1
0